1 Samuel 15:3 - Mbeti ti Nzapa - Tënë so amu fini

³ Fadeso, gue, mo tiri bira na azo ti Amalek, mo buba aye ti ala kue, mo zia mbeni oko angba pepe. Mo fâ akoli na awali, amolenge na akete amolenge so angba ti nyon mê, abagara, ataba, *azambala nga na alele.’ ”

1 Samuel 15:3 ပူးပေါင်းရင်းမြစ်များ

Tongo nda ti aye 36:12

Timna ayeke mbeni wali ti Elifaz, molenge ti Ezau. Timna adu na Elifaz Amalek. So amolenge ti Ada, wali ti Ezau laa.

2 Samuel 1:8

Lo hunda mbi, lo tene: ‘Mo yeke zo wa?’ Mbi kiri tënë na lo, mbi tene: ‘Mbi yeke zo ti mara ti Amalek.’

Sigingo 17:14

KOTA GBIA atene na Moïse: “Su aye so kue na mbeti si aga ye ti dango be ti ala. Tene tënë so na mê ti Josué, mo tene: ‘Fade mbi yeke hunzi azo ti Amalek kue, mbi yeke sara si na ndö ti sese so, azo akiri adabe ti ala na mara ti ala pepe.’ ”

Sigingo 20:5

Alingbi mo kuku na gbe ti ayanda so pepe, mo voro ala pepe, ngbanga ti so mbi KOTA GBIA Nzapa ti mo, mbi yeke Nzapa so ayeke sara mbanda ti azo ti lo. Azo so asara sioni ti ke mbi, mbi yeke kiri na sioni ti azo ni na ndö ti *ahale ti ala, ngbii asi na molongo ota ni wala molongo osio ni.

Wungo ti azo 24:20

Na pekoni, Balaam abaa azo ti mara ti Amalek si lo diko bia so, lo tene: “Mara ti Amalek ayeke kozo ti amara kue; me fade dunia ti ala ayeke buba biani biani.”

Wungo ti azo 31:17

Fadeso, ala fâ amolenge-koli kue, ala fâ nga awali so kue ahinga koli awe.

Josué 10:39

Ala mu gbata ni na gbia ni nga na agbata so kue angoro Debir. Ala fâ azo ti agbata ni kue, ala zia zo oko angba na fini pepe. Ye so Josué asara na agbata ti Hebron na ti Libna na agbia ti agbata ni, gi mara ni laa lo sara na gbata ti Debir nga na gbia ni.

1 Samuel 14:48

Lo fa ngangu ti lo na lege so lo so benda na ndö ti azo ti Amalek si lo zi azo ti Israel na gbe ti azo ni so lani ayeke nzi aye ti ala so.

1 Samuel 15:18

KOTA GBIA atokua mo, atene: ‘Mo gue, mo fâ azo ti Amalek, azo ti sarango siokpari so kue kue kue si mo buba aye ti ala kue.’

1 Samuel 15:9

Saul na azo ti lo abata Agag na fini. Ala bata nga anzoni taba na angasa, anzoni bagara so angba ngangu nga na akete taba. Anyama so kue ayeke anzoni, Saul na aturugu afâ ala pepe. Me gi angengo nyama, ala so ayeke nzoni pepe si ala fâ ala kue.

1 Samuel 22:19

Na Nob, gbata ti awayango-sandaga, Saul afâ akoli, awali, amolenge na akete molenge so angba ti nyon mê; lo fâ abagara, alele nga na ataba.

1 Samuel 27:9

David anika azo ti gbata ni; lo zia mbeni koli wala mbeni wali angba na fini pepe. Lo mu ataba na angasa, abagara, alele, *azambala na abongo, lo gue na ni. Na kiringo ti lo, lo si na ndo ti Akish.

1 Samuel 30:17

David afâ ala, ti londo na ndaperere ngbii asi kekereke na lakui. Mbeni zo oko awara lege ti kpe pepe; gi amaseka ngbangbo osio so ako na ndö ti *azambala laa akpe ahon.