1 Samuel 15:28 - Mbeti ti Nzapa - Tënë so amu fini

²⁸ Samuel atene na lo: “Lege so laa KOTA GBIA azi lengo-gbia na maboko ti mo laso na ndö ti Israel; lo mu ni na mbeni zo nde so ayeke nzoni ahon mo.

1 Samuel 15:28 ပူးပေါင်းရင်းမြစ်များ

2 Samuel 3:10

KOTA GBIA adeba yanga ti lo atene, fade lo yeke zi kua ti gbia na maboko ti azo ti sewa ti Saul si lo yeke zia David titene lo duti gbia na ndö ti Israel nga na ndö ti Juda, ti londo na Dan ngbii asi na Bersheba.”

2 Samuel 3:18

Fadeso, ala sara ye! Biani, *KOTA GBIA atene na ndö ti David, atene: ‘Na lege ti David, zo ti kua ti mbi laa mbi yeke zi azo ti Israel, azo ti mbi na maboko ti azo ti Filistii nga na maboko ti awato ti ala kue.’ ”

2 Samuel 3:9

Ye so *KOTA GBIA adeba yanga ti lo ti sara na David, tongana mbi sara ni pepe, ayeke nzoni Nzapa asara ye ti ngangu mingi na mbi Abner!

2 Samuel 6:21

David akiri tënë na Mikal: “Na dawa ti KOTA GBIA laa mbi sara ye tongaso. Lo soro mbi si lo ye mbi ahon babâ ti mo na asewa ti mo kue; lo zia mbi kota zo na ndö ti azo ti Israel, azo ti lo. Na dawa ti KOTA GBIA laa mbi yeke ngba ti sara ngia.

1 Agbia 11:11

KOTA GBIA atene na Salomon: “Ndali ti so mo sara ye tongaso, mo bata lege ti *mbuki ti mbi na mo pepe, mo sara ye alingbi na yanga so mbi mu na mo pepe, tongaso, mbi yeke zi kodro ni na maboko ti mo si mbi yeke mu ni na mbeni zo ti kua ti mo oko.

1 Mbai 10:14

ahon titene lo hunda KOTA GBIA. Nilaa KOTA GBIA asara si lo kui si lo mu mbata ti gbia ni na David, molenge ti Yese.

Mbeti ti Job 34:24

Lo yeke kinda angangu gbia, lo hunda nda ni pepe, lo yeke zia ambeni zo nde na plase ti ala.

Daniel 4:17

Mo baa keke so akono si aga ngangu, li ni ague ngbii akpo le ti nduzu si azo ti dunia kue alingbi ti baa ni;

Daniel 4:32

Lo baa azo ti sese kue na le ti lo tongana ye senge, lo yeke sara ye so be ti lo aye na aye so ayeke na yayu nga na azo ti sese. Ye so lo ye ti sara, zo oko alingbi ti kanga lege ni na lo pepe, wala zo oko ti tene na lo: ‘Nyen laa mo yeke sara so?’, zo ni ayeke daa pepe.

Jean 19:11

Jésus akiri tënë na lo: “Mo yeke na ngangu na ndö ti mbi pepe, gi ngangu so Nzapa amu na mo. Ndani laa zo so azia mbi na maboko ti mo so, kungba ti siokpari ti lo ane ahon ti mo.”

Awatokua 13:22

So Nzapa azi lo awe, lo mu David, lo zia lo gbia na ndö ti ala. Nzapa atene tënë ti lo, atene: ‘Mbi wara David, molenge ti Yese, zo so be ti mbi aye lo, fade lo yeke sara aye so kue be ti mbi aye.’

Rome 13:1

Alingbi azo kue ama yanga ti akota zo ti li ti kodro, ngbanga ti so komandema kue alondo na Nzapa; akota zo ti li ti kodro, Nzapa laa azia ala na ndö ti mbata ti komandema.

1 Samuel 13:14

Me fadeso, lengo-gbia ti mo ayeke ninga pepe. KOTA GBIA asoro mbeni zo so be ti lo wani aye; lo zia lo ti duti makonzi na ndö ti azo ti lo, ngbanga ti so yanga so lo mu na mo, mo sara ye alingbi na ni pepe.”

1 Samuel 16:12

Yese atokua mbeni zo, amu molenge ni aga na lo. Lo be, lo pendere, le ti lo ayeke za pendere. KOTA GBIA atene na Samuel: “Lo laa, londo mo tuku mafuta na li ti lo.”

1 Samuel 18:8

Ngonzo agbu Saul mingi. Atënë ti ya ti bia ni anzere na be ti lo pepe. Lo tene: “Ala tene, David afâ azo saki baleoko si mbi fâ ti mbi gi azo saki oko. Angba gi titene ala mu lo gbia ti kodro ni!”

1 Samuel 25:30

Tongana KOTA GBIA asara anzoni ye so kue lo tene tënë ni na mo awe, fade lo yeke zia mo makonzi na ndö ti Israel.