1 Samuel 15:24 - Mbeti ti Nzapa - Tënë so amu fini

²⁴ Saul atene na Samuel: “Mbi sara siokpari awe; mbi ke yanga ti KOTA GBIA awe, mbi ke tënë ti mo. Mbeto ti aturugu laa asara mbi si mbi ma yanga ti ala.

1 Samuel 15:24 ပူးပေါင်းရင်းမြစ်များ

Tongo nda ti aye 3:12

Koli ni akiri tënë, atene: “Wali so mo mu lo na mbi titene lo duti na tere ti mbi so, lo laa lo mu le ti keke ni na mbi si mbi te.”

Tongo nda ti aye 3:17

Ti hunzi na ni, lo tene na koli, lo tene: “Ndali ti so mo ma yanga ti wali ti mo si mo te le ti keke so mbi mu yanga na mo ti te pepe so, mbi yeke deba sese ndali ti mo. Fade mo yeke baa pasi ti wara kobe ti mo na lege ti sese ni, na lango so kue mo yeke ngba na fini.

2 Samuel 12:13

David atene na Natan: “Mbi sara siokpari so ake KOTA GBIA awe.” Natan akiri tënë na David, atene: “KOTA GBIA azi siokpari na li ti mo awe; mo yeke kui pepe.

Mbeti ti Job 31:34

Laoko mbeto ti lutingo na le ti gba ti azo asara mbi pepe. Ataa asewa ahe mbi na ngia, so laa azia mbeto na be ti mbi pepe; so laa akanga yanga ti mbi ti tene tënë pepe, so laa agbanzi mbi na yanga-da pepe.

Abia (Psaumes) 51:4

Sukula asioni ti mbi kue; zi siokpari ti mbi si mbi ga *nzoni.

Sigingo 10:16

Faraon airi Moïse na Aaron na loro si lo tene na ala: “Mbi sara sioni so ake KOTA GBIA, Nzapa ti ala awe; mbi sara nga sioni so ake ala.

Sigingo 23:2

Tongana gba ti azo aye ti sara sioni, ala mu peko ti azo ni pepe. Tongana gba ti azo aye ti tene mvene na le ti ngbanga, ala mu peko ti azo ni pepe, tongana azo ni aye ti fâ ngbanga ni na legeni pepe.

Sigingo 9:27

Faraon atokua a iri Moïse na Aaron si lo tene na ala: “Ti so ni, mbi sara sioni awe! Mbi na azo ti mbi, e sara sioni; KOTA GBIA laa ayeke mbirimbiri.

Amato 29:25

Sarango mbeto ti azo ayeke tongana kuku ndali ti zo; me zo so azia be ti lo na ndö ti KOTA GBIA, ye oko ayeke sara lo pepe.

Jérémie 38:5

Tongaso gbia Sedesias akiri tënë na ala: “Lo laa na maboko ti ala so! Ataa so mbi yeke gbia, mbi lingbi ti kanga lege na ala pepe.”

Wungo ti azo 22:34

Balaam atene na ange ti KOTA GBIA: “Mbi sara siokpari awe, ngbanga ti so mbi hinga pepe, mbi tene, mo laa mo luti na dawa ti mbi na ndö ti lege so. Fadeso, tongana tënë ti tambula ni anzere na be ti mo pepe, mbi yeke kiri ti mbi na kodro.”

Matthieu 27:4

Lo tene na ala: “Mbi sara siokpari awe, ngbanga ti so mbi ka na ala mbeni zo so asara sioni oko pepe.” Me ala kiri tënë na lo, atene: “Ti e daa nyen? So abaa gi mo!”

Galasii 1:10

Mbi yeke gi lege fadeso titene azo agonda mbi? Oko pepe, mbi ye titene Nzapa laa agonda mbi. Mbi yeke gi ti ga nzoni na le ti azo? Tongana mbi yeke gi fade titene azo agonda mbi, andaa mbi yeke zo ti kua ti Christ pepe.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

1 Samuel 15:15

Saul akiri tënë: “Aturugu agbu ala na kodro ti azo ti Amalek si aga na ala. Ala bata anzoni taba na anzoni bagara ti mu na *sandaga na KOTA GBIA, Nzapa ti mo. E fâ tanga ti aye kue.”

1 Samuel 15:30

Saul akiri atene: “Mbi sara siokpari awe. Fadeso, mbi gbu gere ti mo, mo ne mbi na dawa ti *akangba ti kodro ti mbi nga na dawa ti azo ti Israel. Ga, e na mo, e kiri legeoko titene mbi gue, mbi voro KOTA GBIA, Nzapa ti mo.”

1 Samuel 15:9

Saul na azo ti lo abata Agag na fini. Ala bata nga anzoni taba na angasa, anzoni bagara so angba ngangu nga na akete taba. Anyama so kue ayeke anzoni, Saul na aturugu afâ ala pepe. Me gi angengo nyama, ala so ayeke nzoni pepe si ala fâ ala kue.

1 Samuel 2:29

Ngbanga ti nyen laa mo na amolenge ti mo ayeke baa sandaga ti mbi na ye so mbi mu yanga si azo aga na ni na ya ti da ti mbi, tongana mbeni buba ye na le ti ala so? Ngbanga ti nyen laa mo ne amolenge ti mo ahon mbi? Azo ti mbi so ayeke azo ti Israel aga na mbi anzoni ye ti mu na sandaga. Ngbanga ti nyen laa mo na amolenge ti mo ayeke te ni si ala yeke kono na ni so?

1 Samuel 26:21

Saul atene: “Mbi sara siokpari awe. Molenge ti mbi David, kiri, mo ga. Mbi yeke kiri ti sara sioni na mo oko pepe, ngbanga ti so na bi so fini ti mbi aga mbeni kota ye na le ti mo. Taa-tënë mbi sara ye tongana zo so mbeni ye ayeke sara li ti lo. Mbi handa tere ti mbi ngangu.”