1 Samuel 15:2 - Mbeti ti Nzapa - Tënë so amu fini

² Tënë so KOTA GBIA so ayeke na ndö ti dunia kue atene ayeke so: ‘Fade mbi yeke fâ ngbanga na ndö ti azo ti Amalek ndali ti ye so ala sara ando na azo ti Israel. Azo ti Amalek akanga lege na ala na ndembe so ala londo na sese ti Ezipte ti sigigi.

1 Samuel 15:2 ပူးပေါင်းရင်းမြစ်များ

Tongo nda ti aye 36:12

Timna ayeke mbeni wali ti Elifaz, molenge ti Ezau. Timna adu na Elifaz Amalek. So amolenge ti Ada, wali ti Ezau laa.

Abia (Psaumes) 83:7

Azo ni ayeke azo ti Edom, ti Ismael, ti Moab na azo ti Agar,

Jérémie 31:34

Zo oko na popo ti ala ayeke kiri ti fa ye na mba ti lo wala na ita ti lo pepe, atene: ‘Ala hinga KOTA GBIA!’ Biani, ti londo na kete zo asi na kota zo, fade ala kue ayeke hinga mbi; so tënë ti yanga ti KOTA GBIA laa. Mbi yeke zi sioni ti ala, mbi yeke kiri ti dabe ti mbi na siokpari ti ala pepe.”

Osée 7:2

Ala yeke tene na be ti ala pepe, atene: asioni ye so kue ala yeke sara so, mbi hinga ni pepe; fadeso asarango ye ti ala ni akanga ala mbage na mbage awe, aye ni kue ayeke na le ti mbi.

Amos 8:7

*KOTA GBIA adeba yanga ti lo ndali ti ye so Israel ayeke pika kate ti lo daa, lo tene: “Sarango ye ti azo ti Israel so, be ti mbi ayeke girisa na ni laoko pepe!”

Wungo ti azo 24:20

Na pekoni, Balaam abaa azo ti mara ti Amalek si lo diko bia so, lo tene: “Mara ti Amalek ayeke kozo ti amara kue; me fade dunia ti ala ayeke buba biani biani.”