1 Samuel 15:19 - Mbeti ti Nzapa - Tënë so amu fini

¹⁹ Mo ma yanga ti KOTA GBIA pepe ngbanga ti nyen? Ngbanga ti nyen si mo gue daa hio ti ro aye na peko ti bira? Ngbanga ti nyen si mo sara ye so ayeke sioni na le ti KOTA GBIA?”

1 Samuel 15:19 ပူးပေါင်းရင်းမြစ်များ

2 Samuel 12:9

Ngbanga ti nyen si mo baa tënë ti mbi, KOTA GBIA, tongana mbumbuse ye si mo sara ye so anzere na mbi pepe so? Mo fâ Urii, zo ti mara ti Het. Mo laa mo sara kue titene azo ti mara ti Amon afâ lo. Na pekoni, mo mu wali ti lo ti ga wali ti mo.

2 Mbai 33:2

Lo sara ye so ayeke sioni na le ti *KOTA GBIA. Lo mu gi peko ti sioni sarango ye ti amara so KOTA GBIA atumba ala na ya ti kodro ni si lo mu kodro ni na azo ti Israel; sioni sarango ye so zo alingbi ti baa na le ti lo fani use pepe.

2 Mbai 33:6

Lo gbi amolenge ti lo ti koli na wâ ti mu na *sandaga na ndo so ayeke na popo-hoto ti Hinom; lo gi nda ti aye, lo sara mazi, lo sara yoro; lo zia azo titene ala hunda yingo ti akuâ si ala fa nda ti aye so ayeke na hondengo ni. Lo kiri lo sara sioni so ague guengo na nduzu ti ke KOTA GBIA, ye so azia ngonzo na be ti lo.

2 Mbai 36:12

Lo sara ye so ayeke sioni na le ti *KOTA GBIA, Nzapa ti lo. Lo sara tere ti lo kete pepe na dawa ti Jérémie, wayanga-Nzapa so ayeke tene tënë na iri ti KOTA GBIA.

Amato 15:27

Zo so ayeke wara mosoro na legeni pepe, lo yeke ga na kpale na ya ti sewa ti lo. Me zo so ake tënë ti petengo goro, lo yeke ngba na fini.

Jérémie 7:11

Kota da so a di iri ti mbi daa so, ala baa ni tongana du so azo ti nzi ayeke honde tere ti ala na ya ni? Ye so mbi wani, mbi baa laa; so tënë ti yanga ti KOTA GBIA laa.

Wungo ti azo 14:41

Moïse atene: “Nyen laa ala yeke sara so? Ala yeke ke yanga ti KOTA GBIA ngbanga ti nyen? Fade ye ni ayeke ga nzoni na ala pepe!

2 Timothée 4:10

Demas azia mbi, ahon awe, ngbanga ti so nzara ti aye ti gigi so agbu lo; lo gue na Tesalonike. Kresan ague na Galasii, Tite ague na Dalmasii.

1 Samuel 14:32

Ala tuku na ndö ti aye so ala gbu na peko ti bira. Ala mu ataba, angasa, abagara nga na akete bagara. Ala fâ anyama ni na ndö ti sese si ala te ni gi na ndo so mene ti anyama ni atuku daa.

1 Samuel 15:20

Saul akiri atene na Samuel: “Mbi ma yanga ti KOTA GBIA. Mbi gue na ndo so lo tokua mbi ti gue daa. Mbi fâ azo ti Amalek kue, mbi gbu gi gbia ti ala Agag, mbi ga na lo.