1 Samuel 15:17 - Mbeti ti Nzapa - Tënë so amu fini

¹⁷ Samuel atene: “So mo yeke baa tere ti mo wani lani tongana kete zo so, KOTA GBIA laa asara si mo ga makonzi na li ti azo ti Israel pepe? Lo tuku mafuta na li ti mo si mo ga gbia ti azo ti Israel.

1 Samuel 15:17 ပူးပေါင်းရင်းမြစ်များ

Osée 13:1

Tongana Efraim ayeke tene lani tënë, tënë ti lo ayeke zia mbeto mingi na be ti azo na Israel. Me na lege ti vorongo nzapa *Baal, tënë ati na ndö ti lo si lo kui.

Matthieu 18:4

Kota zo ti Kodro-gbia ti yayu ayeke zo so asara tere ti lo kete si lo ga tongana molenge so.

Awafango-ngbanga 6:15

Gédéon akiri tënë na lo: “Kota Gbia, mbi gbu gere ti mo! Fade mbi yeke soo azo ti Israel ni tongana nyen? Mara ti mbi ayeke kete mara na popo ti mara ti Manase. Ti mbi, mbi yeke gi ndangba molenge ti ya ti sewa ti mbi.”

1 Samuel 10:1

Samuel amu ngbenda ti mafuta, lo tuku mafuta ni na li ti Saul. Lo su ngbangba ti Saul si lo tene na lo: “*KOTA GBIA wani laa atuku mafuta na li ti mo titene mo ga makonzi na ndö ti azo ti lo.

1 Samuel 10:22

Ala kiri ahunda KOTA GBIA, atene: “Koli so asi ge?” KOTA GBIA atene: “Baa lo laa, lo honde tere ti lo na popo ti akungba so.”

1 Samuel 15:16

Samuel atene na Saul: “Kai si! Mbi ye ti tene na mo tënë so KOTA GBIA atene na mbi na bi so.” Saul atene: “Tene tënë ni.”

1 Samuel 9:21

Saul akiri tënë: “So tënë ti nyen? Mbi yeke ti mbi zo ti mara Benjamin. Benjamin ayeke mbeni kete mara na popo ti amara ti Israel. Sewa ti mbi ayeke gi kete sewa na ya ti amara ti azo ti Benjamin. Mo tene mara ti tënë tongaso na mbi ngbanga ti nyen?”