1 Samuel 15:1 - Mbeti ti Nzapa - Tënë so amu fini

¹ Samuel atene na Saul: “Mbi laa *KOTA GBIA atokua mbi lani ti tuku mafuta na li ti mo titene mo ga gbia ti azo ti Israel, azo ti lo. Fadeso, ayeke nzoni mo ma tënë so KOTA GBIA atene.

1 Samuel 15:1 ပူးပေါင်းရင်းမြစ်များ

2 Agbia 7:1

Élisée akiri tënë: “Ala ma tënë ti *KOTA GBIA si! Tënë so KOTA GBIA atene ayeke so: ‘Kekereke, gi na oko ngbonga so, na yanga ti gbata ti Samarii, fade azo ayeke vo kilo baleoko na use ti farini na le ti nginza oko; ala yeke vo kilo baleuse na osio ti *orze na le ti nginza oko.’ ”

1 Samuel 10:1

Samuel amu ngbenda ti mafuta, lo tuku mafuta ni na li ti Saul. Lo su ngbangba ti Saul si lo tene na lo: “*KOTA GBIA wani laa atuku mafuta na li ti mo titene mo ga makonzi na ndö ti azo ti lo.

1 Samuel 12:14

Tongana ala kpe mbeto ti KOTA GBIA, Nzapa ti ala, tongana ala sara kua na lo, ala ma yanga ti lo, tongana ala ke andia ti lo pepe, fade ala wani na gbia so ayeke na li ti ala, ala yeke ngba na peko ti KOTA GBIA, Nzapa ti ala; ye kue ayeke ga nzoni.

1 Samuel 13:13

Samuel atene na Saul: “Mo sara ye tongana zo so li ti lo ayeke daa pepe. Tënë so KOTA GBIA, Nzapa ti mo atene na mo so, mo sara ye alingbi na ni pepe. Tongana mo sara fade ye alingbi na ni, ka lo zia mo, na *ahale ti mo ti duti gbia na ndö ti azo ti Israel kpu na kpu.

1 Samuel 9:15

Lango oko kozoni si Saul aga, *KOTA GBIA atene tënë ni na Samuel awe, atene:

1 Samuel 9:16

“Kekereke gi na oko ngbonga so, fade mbi yeke tokua na mo mbeni zo ti mara ti Benjamin titene mo tuku mafuta na li ti lo si lo ga makonzi ti azo ti Israel, azo ti mbi. Lo laa lo yeke zi azo ti mbi na maboko ti azo ti Filistii. Biani, mbi baa mawa ti azo ti mbi si mbi ma toto ti ala.”