1 Samuel 14:52 - Mbeti ti Nzapa - Tënë so amu fini

⁵² Na ngoi so kue Saul ayeke gbia, lo tiri bira ngangu na azo ti Filistii. Lakue tongana lo baa mbeni zo ti ngangu wala mbeni zo so ayeke sara mbeto pepe, lo yeke mu zo ni ti ga turugu ti lo.

1 Samuel 14:52 ပူးပေါင်းရင်းမြစ်များ

1 Samuel 13:5

Azo ti Filistii abongbi nga ti tiri bira na azo ti Israel. Ala yeke na apusu ti mbarata saki baleota, azo ti kpengo na ambarata saki omene nga na gba ti aturugu so wungo ti ala ayeke tongana wungo ti mbutu ti yanga ti ngu. Azo ni ague, asara bâbâ ti ala na Mikmas na tere ti Bet-Aven na mbage ti To.

1 Samuel 14:47

Gi so Saul aga gbia ti Israel awe, lo tiri bira na awato ti lo kue so angoro lo: azo ti Moab, azo ti Amon, azo ti Edom, agbia ti Soba nga na azo ti Filistii. Na ndo so kue lo hon daa, lo so benda.

1 Samuel 8:1

So Samuel aga mbakoro awe, lo mu amolenge ti lo ti ga awafango-ngbanga na li ti azo ti Israel.

1 Samuel 8:11

Lo tene: “Baa, lege so gbia so ayeke le-gbia ande na ndö ti ala ayeke so: fade lo yeke mu na popo ti amolenge ti ala ti koli ambeni titene ala kpe na apusu ti mbarata ti lo, ambeni ayeke kpe na ambarata ti lo, wala ala yeke kpe loro na dawa ti pusu ti mbarata ti lo.