1 Samuel 14:48 - Mbeti ti Nzapa - Tënë so amu fini

⁴⁸ Lo fa ngangu ti lo na lege so lo so benda na ndö ti azo ti Amalek si lo zi azo ti Israel na gbe ti azo ni so lani ayeke nzi aye ti ala so.

1 Samuel 14:48 ပူးပေါင်းရင်းမြစ်များ

2 Samuel 1:22

Na dawa ti azo so alingbi ti fâ ala, na dawa ti angangu wato, kokora ti Jonatan ayeke kiri ka na peko pepe, yongoro zeme ti Saul ayeke kiri ka senge pepe.

Sigingo 17:14

KOTA GBIA atene na Moïse: “Su aye so kue na mbeti si aga ye ti dango be ti ala. Tene tënë so na mê ti Josué, mo tene: ‘Fade mbi yeke hunzi azo ti Amalek kue, mbi yeke sara si na ndö ti sese so, azo akiri adabe ti ala na mara ti ala pepe.’ ”

Sigingo 17:8

Azo ti mara ti Amalek aga ti tiri bira na azo ti Israel na Refidim.

Ndia ti fani use ni 25:19

Fadeso, *KOTA GBIA Nzapa ti ala ayeke mu na ala lege ti wu tere na ya ti kodro so lo yeke mu na ala titene aga ti ala. Fade ala yeke fâ azo ti mara ti Amalek ti hunzi ala; tongaso si zo ayeke kiri ti dabe ti lo na mara ti ala pepe na ndö ti sese so. Ala, azo ti Israel, be ti ala agirisa na ni pepe!

Awafango-ngbanga 2:16

Tongaso KOTA GBIA asara si awafango-ngbanga abaa na gigi. Kua ti awafango-ngbanga ni ayeke ti zi azo ti Israel na maboko ti azo ti gbungo aye ti azo.