1 Samuel 14:40 - Mbeti ti Nzapa - Tënë so amu fini

⁴⁰ Saul akiri atene na azo ti Israel kue: “Ti ala, ala luti na mbage; mbi na molenge ti mbi Jonatan, e luti na mbage.” Azo ni atene na Saul: “Sara ye so be ti mo aye.”

1 Samuel 14:40 ပူးပေါင်းရင်းမြစ်များ

2 Samuel 15:15

Azo ti yangbo ti lo atene na lo: “Gbia, ye so kue mo ye titene e sara, e azo ti gbe ti mo, e yeke sara ni.”

1 Samuel 1:23

Koli ti lo Elkana atene na lo: “Sara ye so be ti mo aye. Mo ngba ge na da ngbii mo zi molenge ni na me si. Ayeke nzoni KOTA GBIA asara ye alingbi na tënë ti yanga ti lo.” Nilaa, Anne angba na da ti mu me na molenge ni ngbii asi na ngoi so lo zi molenge ni na me.

1 Samuel 14:36

Saul atene: “E gue na bi so, e tumba peko ti azo ti Filistii, e mu aye ti ala ngbii asi na ndaperere. E fâ ala kue, e zia zo oko angba na fini pepe.” Aturugu akiri tënë: “Sara ye so kue be ti mo aye.” Me wayango-sandaga atene: “E hunda Nzapa na ndo so kozoni si.”

1 Samuel 14:39

KOTA GBIA, wasongo azo ti Israel ayeke na fini! Ataa molenge ti mbi Jonatan laa asara siokpari, fade a yeke fâ lo.” Na popo ti aturugu kue, zo oko akiri tënë na lo pepe.

1 Samuel 14:41

Saul atene na KOTA GBIA: “Nzapa ti Israel, fa na e nda ti ye so mbirimbiri.” Ye so ala bi ti hinga zo wa laa asara siokpari so, ye ni afa Jonatan na Saul. Ye ni afa so aturugu ti Israel ayeke na ya ni oko pepe.

1 Samuel 14:7

Zo so ayeke yo aye ti bira ti lo akiri tënë na lo: “Sara ye ti be ti mo. Hon na dawa, mbi yeke ngba na tere ti mo tongana yingo ti mo.”