1 Samuel 14:38 - Mbeti ti Nzapa - Tënë so amu fini

³⁸ Tongaso Saul airi amakonzi kue ti ga nduru na tere ti lo, lo tene: “Ala gi mbirimbiri ti hinga siokpari wa laa a sara ni laso.

1 Samuel 14:38 ပူးပေါင်းရင်းမြစ်များ

2 Samuel 18:3

Me aturugu ni akiri tënë: “Mo yeke gue pepe! Biani, tongana e kpe, ayeke mbeni kota ye pepe. Ataa a fâ ndambo ti aturugu ti e, ayeke nga mbeni kota ye pepe. Ti mo, mo lingbi na aturugu saki baleoko tongana e so. Nilaa ayeke nzoni mo ngba ti mo na ya ti gbata si mo lingbi ti mu na e maboko.”

Abia (Psaumes) 47:9

Nzapa ayeke le-gbia na ndö ti amara nde; lo duti na ndö ti mbata ti lo ti gbia, mbata so a zia nde ndali ti lo.

Zakarii 10:4

Amakonzi nde nde ayeke sigigi ande na popo ti azo ti mara ti Juda; ala yeke duti ande tongana ngangu têne ti gere ti da, tongana keke ti gbungo-li ti da ti bongo, tongana kokora ti tiringo na bira.

Wungo ti azo 24:17

Mbi baa ye so ayeke si gbanda, ye ni ayeke si fadeso pepe. Mbi baa mbeni ye so ayeke si ande, ye ni ayeke si fafadeso pepe. Mbeni tongoro ayeke sigigi na popo ti *ahale ti Jacob, mbeni gbia ayeke baa gigi na popo ti azo ti Israel. Lo yeke pika azo ti mara ti Moab na keke ti lo ti gbia, lo yeke pika abio ti li ti azo ti mara ti Set.

Matthieu 21:42

Na pekoni, Jésus ahunda ala, atene: “Tënë so a su na ya ti Mbeti ti Nzapa so, ala diko ni laoko pepe? Tënë ni atene: ‘Têne so azo ti sarango da ake ni, ni laa akiri aga ngangu têne ti gere ti da ni. Ye so alondo na *Kota Gbia, ye ni ayeke ye ti kpene na le ti e!’”

Efeze 2:20

Ala yeke da so Nzapa asara; gere ti da ni ayeke *awatokua na awayanga-Nzapa si Jésus Christ wani ayeke ngangu têne ti gere ti da ni.

Josué 7:11

Azo ti Israel asara siokpari awe. Biani, ala buba lege ti mbuki ti mbi na ala awe. Biani, ye so mbi ke na ala ti mu, ala mu ni; ala nzi ni si ala honde ni na ya ti akungba ti ala.

Josué 7:12

Ndani laa, fade azo ti Israel alingbi ti gbu le ni na awato ti ala pepe, ala yeke kpe na le ti awato ti ala ni. Biani, azo ti Israel ayeke ga azo so a zia ala titene a fâ ala kue ti hunzi ala. Aye so mbi ke na ala ti mu, tongana ala buba ni pepe, fade mbi yeke ngba na popo ti ala pepe.

Awafango-ngbanga 20:2

Amakonzi ti azo ni kue, na amara ti Israel kue aga na ya ti bongbi ti azo ti Nzapa so: aturugu saki ngbangbo osio, ala so ahinga ti tiri bira na yongoro zeme.