1 Samuel 14:33 - Mbeti ti Nzapa - Tënë so amu fini

³³ Mbeni zo atene tënë ni na Saul, atene: “Azo ni asara siokpari so ake *KOTA GBIA, ala te anyama gi na ndo so mene ti anyama ni atuku daa.” Saul atene: “Ala sara mbana ti buba lege ti ndia! Ala rule mbeni kota têne aga na ni na mbi fafadeso.”

1 Samuel 14:33 ပူးပေါင်းရင်းမြစ်များ

Tongo nda ti aye 9:4

Me gi ye oko: nyama so mene angba na ya ti tere ti lo, ala te lo pepe, ndali ti so fini ayeke na ya ti mene ti lo.

Awayango-sandaga 17:10

“Tongana mbeni zo ti Israel, wala mbeni wande so ayeke duti na popo ti ala ate mene, ataa mara ti mene wa, fade mbi KOTA GBIA, mbi yeke ga na tere ti lo, mbi yeke zi lo na popo ti bongbi ti azo ti Israel.

Awayango-sandaga 19:26

“Kasa so mene angba na ya ni, alingbi ala te ni pepe; ala sara mazi pepe, wala ala baa nda ti ye pepe.

Awayango-sandaga 7:26

Na ndo so kue ala yeke duti daa, alingbi ala te mene ti ndeke, wala ti nyama pepe.

Awayango-sandaga 7:27

Zo so kue ayeke te mene, fade a yeke tumba lo na ya ti bongbi ti azo ti Israel.”

Matthieu 7:5

Mo so tënë ti yanga ti mo ayeke nde na sarango ye ti mo so, ayeke nzoni mo zi kota keke so ayeke na le ti mo so kozoni si. Na pekoni mo baa ndo nzoni ti zi pere so ayeke na le ti ita ti mo!

Awatokua 15:20

Ayeke nzoni e su mbeti, e tokua na ala titene kobe so aga *sioni na lege so a ya ni na *sandaga na anzapa nde, ala te ni pepe, ala gi wali wala koli kirikiri pepe; nyama so azo apete go ti lo petengo si lo kui so, ala te ni pepe, ala te nga mene pepe.

Rome 2:1

Mo so mo yeke fâ ngbanga na li ti amba ti mo so, ataa mo yeke zo wa, mo baa ti mo, mo tene, mo yeke sigigi na ya ti tënë ni? So mo yeke fâ ngbanga na li ti amba ti mo so, mo yeke fâ nga ngbanga na li ti mo wani, ndali ti so mo nga, mo yeke sara mara ti aye so.

Ndia ti fani use ni 12:16

Me alingbi ala te mene ti nyama ni pepe. Fade ala yeke tuku ni na sese tongana ngu.

Ndia ti fani use ni 12:23

Gi ye oko, ala sara kue si ala te mene pepe, ngbanga ti so fini ayeke na ya ti mene. Alingbi ala te kasa ti nyama pepe so abongbi ni na ye so ayeke fini ti nyama ni.

Ndia ti fani use ni 15:23

Me fade ala yeke te mene ti nyama ni pepe. Ala yeke tuku ni na sese tongana ti so a yeke tuku ngu.

1 Samuel 14:34

Na pekoni, Saul atene: “Ala gue na popo ti azo ti kodro si ala tene na ala: ‘Ayeke nzoni zo oko oko aga na mbi bagara ti lo, taba ti lo. Fade ala yeke fâ anyama ni si ala yeke te ni na ndo so; tongaso si ala sara siokpari ti ke KOTA GBIA pepe, na tengo kobe na ndo so mene atuku daa.’ ” Na bi ni so, zo oko oko aga na bagara ti lo so lo yeke na ni si a fâ ni na ndo so.