1 Samuel 14:3 - Mbeti ti Nzapa - Tënë so amu fini

³ Mbeni wayango-sandaga aluti kâ, lo yu *efod; iri ti lo ayeke Ahia. Lo yeke molenge ti Ahitub, Ahitub ayeke ita ti Ikabod. Ikabod ayeke molenge ti Pinas, Pinas ayeke molenge ti Heli so ayeke wayango-sandaga ti *KOTA GBIA na kodro ti Silo. Aturugu ahinga tënë ti hongo ti Jonatan pepe.

1 Samuel 14:3 ပူးပေါင်းရင်းမြစ်များ

1 Samuel 1:3

Na ya ti ngu oko oko, Elkana ayeke londo na kodro ti lo ti gue na gbata ti Silo ti voro *KOTA GBIA so ayeke na ndö ti dunia kue, ti mu nga *sandaga na lo. Kâ, ambeni wayango-sandaga ti KOTA GBIA ayeke daa. Iri ti mbeni Hofni si iri ti mbeni Pinas; ala yeke amolenge ti Heli.

1 Samuel 14:36

Saul atene: “E gue na bi so, e tumba peko ti azo ti Filistii, e mu aye ti ala ngbii asi na ndaperere. E fâ ala kue, e zia zo oko angba na fini pepe.” Aturugu akiri tënë: “Sara ye so kue be ti mo aye.” Me wayango-sandaga atene: “E hunda Nzapa na ndo so kozoni si.”

1 Samuel 2:18

Me Samuel, so ade molenge ayeke sara kua na le ti Kota Gbia. Lo yu *efod so a sara na *len.

1 Samuel 2:28

Na popo ti amara ti Israel kue, mbi soro kotara ti mo Aaron nga na *ahale ti lo titene ala ga awayango-sandaga ti mbi. Nilaa, lo yeke sara kua ti mungo *sandaga na ti zongo dukani na ndö ti gbalaka ti mbi; ala yeke baa mbi ndali ti ambeni ye. Asandaga so kue azo ti Israel aga na ni, mbi mu mbage ni na ala.

1 Samuel 22:20

Gi Abiatar oko, molenge ti Ahimelek, molenge ti Ahitub laa akpe ague na tere ti David.

1 Samuel 4:21

Lo di iri ti molenge ni Ikabod si lo tene: “Gonda ti Nzapa ayeke mbeni pepe na kodro ti Israel.” Lo di iri ti molenge ni Ikabod, ngbanga ti so a mu sanduku ti mbuki ti Nzapa ahon na ni, a fâ kogara ti lo nga na koli ti lo.

1 Samuel 4:4

Aturugu ni atokua ambeni zo na Silo. Ala gue, aga na sanduku ti mbuki ti KOTA GBIA, lo so lo yeke na ndö ti dunia kue si lo yeke duti na ndö ti *asheruben. Andaa amolenge ti Heli use, Hofni na Pinas ayeke na tere ti sanduku ti mbuki ni.