1 Samuel 14:24 - Mbeti ti Nzapa - Tënë so amu fini

²⁴ Na lango ni so, azo ti Israel abaa pasi mingi. Andaa Saul adeba ala, atene: “Tongana mbeni zo ate kobe kozoni si lâ akui, kozoni titene mbi sara sioni na awato ti mbi, deba aga na ndö ti lo!” Nilaa, zo oko azia mbeni ye na yanga ti lo pepe.

1 Samuel 14:24 ပူးပေါင်းရင်းမြစ်များ

Abia (Psaumes) 18:47

KOTA GBIA ayeke na fini! Mbi gonda lo, lo so lo yeke Kota Têne so mbi luti na ndö ni ti bata tere ti mbi. Ayeke nzoni azo amu iri ti lo na nduzu, Nzapa so ayeke wasongo mbi!

Amato 11:9

Zo so ake Nzapa ayeke sara sioni na amba ti lo na lege ti atënë ti yanga ti lo; me azo ti mbirimbiri ayeke soo kuâ na lege ti hingango ye.

Awayango-sandaga 27:29

Ataa zo laa a zia lo nde ndali ti KOTA GBIA biani biani, zo alingbi ti kiri ti vo lo pepe: fade a yeke fâ lo.

Awayango-sandaga 5:4

“Mbeni tapande ni: tongana zo agbu li ti lo pepe si mbeni tënë ti dengo ba asigigi na yanga ti lo, ataa deba ni asara sioni wala nzoni na zo si na pekoni lo hinga tënë ni, lo yeke wara tënë.

Wungo ti azo 21:2

Tongaso, azo ti Israel adeba yanga ti ala na *KOTA GBIA, ala tene: “Tongana mo zia azo so na maboko ti e, fade e yeke buba agbata ni biani biani si aga ti mo, KOTA GBIA.”

Wungo ti azo 5:21

ayeke nzoni KOTA GBIA asara si mo du pepe, ya ti mo asuku si azo ti mara ti mo ayeke mu mo tongana tapande ti deba amba ti ala.

Rome 10:2

Biani, ye so mbi hinga si mbi yeke tene tënë ni ayeke so, azuife ayeke na nzara mingi ti sarango kua ti Nzapa, me ala hinga taa lege ti kua ni pepe.

1 Korente 16:22

Tongana mbeni zo aye *Kota Gbia pepe, ayeke nzoni a deba lo! Maranata! – Kota Gbia, mo ga! –

Josué 6:26

Na ngoi ni so, Josué adeba yanga ti lo, atene: “Deba ti KOTA GBIA aga na li ti zo so ayeke londo ti kiri ti leke gbata ti Jéricho so! Lo yeke futa lekengo gere ti gbata ni na fini ti kozo molenge ti lo; lo yeke futa nga lekengo ayanga ti gbata ni na fini ti tanga ti molenge ti lo.”

Awafango-ngbanga 1:28

Na ngoi so azo ti Israel aga ngangu mingi, ala yeke mu azo ti Kanaan ti sara akua ti ngbaa; me ala mu sese na maboko ti azo ti Kanaan ni pepe.

Awafango-ngbanga 5:2

“Na kodro ti Israel, zo oko oko ayeke nduru ti tiri bira, azo ayeda na be ti ala ti gue na bira: ala mu singila na *KOTA GBIA!

1 Samuel 14:25

Azo ni kue ali na ya ti gbako, mafuta ti wotoro ayeke na sese.

1 Samuel 14:39

KOTA GBIA, wasongo azo ti Israel ayeke na fini! Ataa molenge ti mbi Jonatan laa asara siokpari, fade a yeke fâ lo.” Na popo ti aturugu kue, zo oko akiri tënë na lo pepe.

1 Samuel 18:25

Saul atene: “Ala tene na lo, atene: ‘Gbia ahunda titene mo ka nginza na peko ti wali ni pepe. Me lo hunda gi *pito ngbangbo oko ti azo ti Filistii tongana kiringo peko ti sioni na awato ti lo.’ ” Saul aleke fade ye kue titene David ati na maboko ti azo ti Filistii.