1 Samuel 14:23 - Mbeti ti Nzapa - Tënë so amu fini

²³ Na lango ni so, KOTA GBIA asara si azo ti Israel aso benda. Bira ni ague ngbii asi na peko ti Bet-Aven kâ.

1 Samuel 14:23 ပူးပေါင်းရင်းမြစ်များ

2 Agbia 14:27

Me KOTA GBIA atene ando pepe atene, fade ni yeke zi iri ti Israel na ndö ti sese so biani biani. Nilaa lo soo ala na lege ti Yeroboam, molenge ti Yoas.

1 Mbai 11:14

Elazar na azo ti lo aluti na ya ti yaka ni. Na pekoni, ala mu ni si ala fâ azo ti Filistii. KOTA GBIA asara si azo ti Israel aso benda.

2 Mbai 32:22

Tongaso laa KOTA GBIA asoo Ezekias na azo ti Jérusalem na kuâ, na maboko ti Senakerib, gbia ti Asirii nga na maboko ti awato ti ala kue. Na pekoni, lo mu na ala siriri mbage na mbage kue.

Sigingo 14:30

Na lango ni so, KOTA GBIA asoo azo ti Israel na maboko ti azo ti Ezipte si azo ti Israel abaa kuâ ti azo ti Ezipte na yanga ti kota ngu-ingo ni.

Osée 1:7

Me ti azo ti Juda, fade mbi yeke ngba ti ye ala. Mbi wani, KOTA GBIA Nzapa ti ala, mbi yeke soo ala; mbi yeke soo ala na lege ti kokora pepe, wala na lege ti yongoro zeme pepe, wala na lege ti bira pepe, wala na lege ti ambarata pepe, wala na lege ti azo ti kpengo na mbarata pepe.”

Ndia ti fani use ni 20:4

Biani, KOTA GBIA Nzapa ti ala ayeke tambula legeoko na ala, lo yeke tiri bira na awato ti ala ndali ti ala ti sara si ala, azo ti Israel, ala so benda.”

Josué 7:2

So ala yeke na Jéricho, Josué atokua ambeni koli na gbata ti Ai so ayeke nduru na gbata ti Bet-Aven, na mbage ti To ti Betel. Lo tene na ala: “Ala gue *abembe ndo na gbata ni.” Akoli ni ague, abembe ndo ni.

Awafango-ngbanga 2:18

Lakue tongana KOTA GBIA amu mbeni wafango-ngbanga na ala, KOTA GBIA ayeke na lo; wafango-ngbanga ni ayeke zi azo ti Israel na maboko ti awato ti ala na ngoi so kue wafango-ngbanga ni angba na fini. KOTA GBIA ayeke baa mawa ti ala tongana ala yeke dema tere ndali ti pasi so ala yeke baa na gbe ti azo so ayeke sara sana na ala.

1 Samuel 10:19

Me fadeso, ala ke Nzapa ti ala awe, lo so lo zi ala na ya ti mawa nga na ya ti ye ti ngangu so; ala tene na lo: ‘Mu na e mbeni gbia.’ Fadeso ala ga aluti na le ti KOTA GBIA, mara na mara, kete mara na kete mara.”

1 Samuel 13:5

Azo ti Filistii abongbi nga ti tiri bira na azo ti Israel. Ala yeke na apusu ti mbarata saki baleota, azo ti kpengo na ambarata saki omene nga na gba ti aturugu so wungo ti ala ayeke tongana wungo ti mbutu ti yanga ti ngu. Azo ni ague, asara bâbâ ti ala na Mikmas na tere ti Bet-Aven na mbage ti To.

1 Samuel 9:16

“Kekereke gi na oko ngbonga so, fade mbi yeke tokua na mo mbeni zo ti mara ti Benjamin titene mo tuku mafuta na li ti lo si lo ga makonzi ti azo ti Israel, azo ti mbi. Lo laa lo yeke zi azo ti mbi na maboko ti azo ti Filistii. Biani, mbi baa mawa ti azo ti mbi si mbi ma toto ti ala.”