1 Samuel 14:15 - Mbeti ti Nzapa - Tënë so amu fini

¹⁵ Aturugu ti Filistii so angba na ya ti bâbâ nga na azo so ayeke na tere ti bâbâ ni, kota mbeto agbu ala. Ataa aturugu ti batango ndo, na ala ti bubango ndo, kota mbeto ahon ndö ti ala kue. Sese ayingi si kota mbeto ti Nzapa agbu ala.

1 Samuel 14:15 ပူးပေါင်းရင်းမြစ်များ

Tongo nda ti aye 35:5

Na pekoni, ala londo, ahon. Nzapa asara si kota mbeto agbu azo ti agbata so ayeke nduru na ala. Tongaso zo oko atumba peko ti amolenge ti Jacob pepe.

2 Samuel 5:24

Tongana mo ma toto ti mbeni ye tongana toto ti gere ti zo na li ti akeke ni, ayeke nzoni mo sara hio, ngbanga ti so mbi KOTA GBIA, mbi hon kozo ti mo awe ti tiri bira na aturugu ti Filistii.”

Mbeti ti Job 18:11

Mbage na mbage kue, kota mbeto agbu lo; mbeto ni ayeke mu peko ti lo na ndo so kue lo yeke gue daa.

Abia (Psaumes) 14:5

Tongaso, ala yeke do na kota mbeto, ngbanga ti so Nzapa amu mbage ti azo ti mbirimbiri.

Sigingo 19:18

Guru ti wâ amu ndö ti hoto ti Sinai kue, ngbanga ti so KOTA GBIA azu na ndö ti hoto ni na ya ti wâ. Guru ni alondo tongana guru ti wâ ti mbeni fur; hoto ni kue ado ngangu mingi.

Daniel 5:6

le ti lo aga nde si li ti lo kue akpe; ya ti agere ti lo kue akanga si alikunu ti lo ayeke pika tere.

Matthieu 24:6

Ala azo ti mbi, fade ala yeke ma tënë ti abira so aga nduru wala tënë ti abira so angba yongoro, ala sara mbeto pepe! Biani, alingbi aye so asi, me so laa ayeke hunzingo ti aye kue pepe.

Josué 2:9

Lo tene na ala: “Mbi hinga, mbi tene, KOTA GBIA amu kodro ni na ala awe. Mbeto ti ala agbu e mingi si tere ti azo ti kodro ni kue ado na mbeto ndali ti gango ti ala.

Awafango-ngbanga 7:21

Ala luti angoro tere ti bâbâ ni kue, zo oko oko na ndo so a zia lo daa. Me azo so ayeke na ya ti bâbâ ni alondo ti kpe, ala dekongo si ala kpe kirikiri.

1 Samuel 13:17

Aturugu ti bubango ndo asigigi na ya ti bâbâ ti azo ti Filistii. Ala kangbi ya ti ala ota. Kozo kangbi ni amu lege so ague na mbage ti Ofra na sese ti Shual.

1 Samuel 13:18

Use kangbi ni amu lege so ague na Bet-Horon si ota kangbi ni amu lege so ague na katikati ti kodro ni, na popo-hoto so a iri ni agbongo na mbage ti benyama.

1 Samuel 13:23

Mbeni bongbi ti aturugu ti Filistii ague, aduti na lege so ague na Mikmas.

1 Samuel 14:14

Na ya ti kozo tingo ni so, Jonatan na zo so ayeke yo aye ti bira ti lo afâ azo ti Filistii nduru na baleuse, na ndo so akono mingi pepe.

1 Samuel 14:16

Asanziri ti Saul so ayeke na Gibea, na sese ti Benjamin abaa gba ti azo ti Filistii so akangbi si ala yeke kpe kirikiri.

1 Samuel 7:10

Na ndembe so Samuel ayeke mu sandaga so a yeke gbi ni kue na wâ, azo ti Filistii aga nduru ti tiri bira na azo ti Israel. Me na lango ni so, KOTA GBIA asara si bekpa asungba ngangu na ndö ti azo ti Filistii. Lo zia kota mbeto na be ti ala si ala ti na gbe ti azo ti Israel.