1 Samuel 14:11 - Mbeti ti Nzapa - Tënë so amu fini

¹¹ Tongaso, ala use kue ague si azo ti Filistii abaa ala. Azo ti Filistii atene: “Baa, ahebro so lani ahonde tere ti ala na ya ti adu so laa ayeke sigigi so.”

1 Samuel 14:11 ပူးပေါင်းရင်းမြစ်များ

2 Samuel 22:46

Be ti awande ni awoko kue awe; tongana ala londo na ya ti gbagba ti bira ti ala ti sigigi, tere ti ala ayeke do dongo.

Awafango-ngbanga 6:2

Azo ti Madian asara ngangu mingi na azo ti Israel. Ndali ti azo ti Madian ni, azo ti Israel aleke ando na gbe ti sese, na ya ti adu ti têne nga na li ti ahoto ti honde tere ti ala daa.

1 Samuel 13:6

So azo ti Israel abaa so ala yeke na ya ti ye ti ngangu, ngbanga ti so azo ti Filistii aga nduru nduru na ala, ala kpe ahonde tere ti ala na ya ti adu ti têne, na ya ti adu, na gbe ti akota têne, na gbe ti sese nga na ya ti adu ti ngu.

1 Samuel 14:22

Azo ti Israel so kue ahonde tere ti ala lani na sese ti Efraim, ndo so ahoto ayeke daa, ama a tene, azo ti Filistii akpe kirikiri, ala nga alondo ti tumba peko ti azo ti Filistii ni, ti tiri bira na ala.

1 Samuel 29:3

Amakonzi ti aturugu ti Filistii ahunda ndo, atene: “Ahebro so ayeke sara nyen ge?” Akish akiri tënë na ala: “So David laa, zo ti kua ti Saul, gbia ti Israel! A sara ngu oko wala ngu use so lo yeke na ndo ti mbi. Ngbene ye so lo zia wa ti lo si lo ga na ndo ti mbi ngbii asi laso, mbi baa sioni ye oko pepe so lo sara.”