1 Samuel 13:7 - Mbeti ti Nzapa - Tënë so amu fini

⁷ Ambeni afâ ngu ti Jourdain ague na mbage ti sese ti Gad na ti Galaad. Saul angba na Gilgal; azo so kue amu peko ti lo so, tere ti ala ayeke do na mbeto.

1 Samuel 13:7 ပူးပေါင်းရင်းမြစ်များ

Awayango-sandaga 26:17

Fade mbi yeke ga na tere ti ala; awato ti ala ayeke kinda ala. Azo so ake ala ayeke ga ti sara komandema na ndö ti ala; ti ala, ala yeke kpe, ataa so mbeni zo atumba peko ti ala pepe.

Ndia ti fani use ni 20:8

Fade akapita ayeke kiri ti tene na aturugu ni, atene: “Na popo ti ala, zo wa laa ayeke na mbeto si be ti lo awoko? Ayeke nzoni lo kiri na yanga-da si lo sara titene be ti a-ita ti lo awoko pepe tongana ti lo.”

Ndia ti fani use ni 28:25

Fade KOTA GBIA ayeke sara si awato ti ala akinda ala na ya ti bira. Tongana ala, azo ti Israel, ala mu lege oko ti ga ti tiri bira na ala, fade ala yeke mu alege nde nde ti kpe kirikiri na dawa ti awato ni. Fade kota mbeto ayeke gbu akodro-gbia ti sese ni na bango aye so asi na ala, azo ti Israel.

Ndia ti fani use ni 3:12

Na ngoi ni so, e mu sese so kue ayeke na Banga ti gbata ti Aroer, na tere ti ngu ti Arnon titene aga ti e. Mbi mu ndambo ti sese ti ahoto ti Galaad na azo ti mara ti Ruben nga na azo ti mara ti Gad; mbi mu sese ni na ala na agbata ni kue.

Josué 13:11

Sese ti Galaad, ti Geshur na ti Maaka, hoto ti Hermon nga na Bashan, ague ngbii asi na Salka, kue ayeke na ya ti sese ti ala.

Josué 13:8

Azo ti mara ti Ruben, ti Gad na kozo ndambo ti mara ti Manase awara ti ala asese ni awe na mbage ti To ti Jourdain. Moïse, zo ti kua ti *KOTA GBIA laa amu na ala titene aga ti ala.

Awafango-ngbanga 7:3

Gue mo tene tënë na azo ti mo, mo tene: ‘Azo so kue ayeke do na mbeto, ayeke nzoni ala londo na hoto ti Galaad, ala kiri na kodro.’ ” Azo saki baleuse na use na popo ti ala alondo si akiri na kodro, gi azo saki baleoko laa angba.

1 Samuel 13:8

Saul aku na ya ti lango mbarambara alingbi na lango so Samuel afa na lo; me Samuel asi na Gilgal pepe si aturugu ni ado Saul azia, ala kangbi kirikiri.

1 Samuel 17:11

Tongana Saul na azo ti Israel kue ama tënë ti zo ti Filistii so, kota mbeto ahon ndö ti ala.

1 Samuel 31:7

So azo ti Israel so ayeke lango na mbage ti popo-hoto na ala so ayeke lango na mbage ti ngu ti Jourdain abaa so, azo ti Israel ayeke kpe si Saul na amolenge ti lo akui awe, ala do agbata ti ala azia si ala kpe. Azo ti Filistii aga si ala duti daa.