1 Samuel 13:6 - Mbeti ti Nzapa - Tënë so amu fini

⁶ So azo ti Israel abaa so ala yeke na ya ti ye ti ngangu, ngbanga ti so azo ti Filistii aga nduru nduru na ala, ala kpe ahonde tere ti ala na ya ti adu ti têne, na ya ti adu, na gbe ti akota têne, na gbe ti sese nga na ya ti adu ti ngu.

1 Samuel 13:6 ပူးပေါင်းရင်းမြစ်များ

2 Samuel 24:14

David akiri tënë na Gad, atene: “Mbi yeke na ya ti ye ti ngangu mingi! Mbi gbu gere ti mo, zia e ti na maboko ti KOTA GBIA, ngbanga ti so nzoni be ti lo ayeke kota; me mbi ye ti ti na maboko ti azo pepe.”

Ésaïe 42:22

Me fadeso ala yeke azo so a nzi aye ti ala kue, a mu aye na tere ti ala kue. A kanga ala kue na ya ti kota du, a honde ala na da ti kanga. A nzi aye ti ala kue, zo oko ti zi ala ayeke daa pepe. A mu aye na tere ti ala kue, zo oko ayeke daa pepe ti tene: “Ala kiri na aye ni!”

Jérémie 41:9

Du ti ngu so Ismael abi kuâ ti azo so kue lo fâ ala daa so, ayeke kota du ti ngu so gbia Asa azi ni na ndembe so Basha, gbia ti Israel aga ti tiri bira na lo. Ismael abi kuâ ti azo ni daa asi.

Ezekiel 33:27

“Mo tene na ala, mo tene: Tënë so Kota Gbia NZAPA atene ayeke so: ‘Fini ti mbi! Azo so angba na ya ti gbata so abuba awe so, fade ala yeke kui kuâ ti yongoro zeme; azo so ayeke na ya ti ngonda, mbi yeke mu ala na anyama ti ngonda titene ate ala; azo so ahonde tere ti ala na ndö ti ahoto nga na ya ti adu ti têne, sioni kobela ti bubango kodro ayeke fâ ala.

Filipe 1:23

Be ti mbi ayeke use use: mbi yeke na nzara ti gue ti duti na tere ti Christ, so laa ayeke nzoni ahon ye kue.

Ahebro 11:38

Ala yeke hon gi kirikiri na ya ti benyama, na ya ti ahoto, ala yeke lango na ya ti adu ti têne, na ya ti adu ti sese. Andaa ala yeke anzoni zo so dunia so alingbi na ala pepe.

Josué 8:20

Azo ti Ai abaa ndo na peko ti ala, ala baa so guru ti wâ alondo na ya ti gbata ni si ayeke gue na nduzu. Ala hinga ndo so ala lingbi ti kpe daa pepe, ngbanga ti so azo ti Israel so ayeke kpe fade ti gue na mbage ti benyama, ala kiri na peko ti tiri na azo so ayeke tumba peko ti ala.

Awafango-ngbanga 10:9

Azo ti Amon afâ ngu ti Jourdain ti sara bira na azo ti Juda, ti Benjamin na ti Efraim. Ti azo ti Israel, ala yeke na ya ti kota kpale.

Awafango-ngbanga 20:41

Azo ti Israel akiri na tere ti azo ti Benjamin. Mbeto agbu azo ti Benjamin mingi, ngbanga ti so ala baa kpale so ayeke ti na ndö ti ala.

Awafango-ngbanga 6:2

Azo ti Madian asara ngangu mingi na azo ti Israel. Ndali ti azo ti Madian ni, azo ti Israel aleke ando na gbe ti sese, na ya ti adu ti têne nga na li ti ahoto ti honde tere ti ala daa.

1 Samuel 13:15

Samuel alondo na Gilgal ti gue na Gibea so ayeke na sese ti Benjamin. Saul adiko aturugu so ayeke na tere ti lo. Wungo ti ala aga nduru na ngbangbo omene.

1 Samuel 14:11

Tongaso, ala use kue ague si azo ti Filistii abaa ala. Azo ti Filistii atene: “Baa, ahebro so lani ahonde tere ti ala na ya ti adu so laa ayeke sigigi so.”

1 Samuel 14:22

Azo ti Israel so kue ahonde tere ti ala lani na sese ti Efraim, ndo so ahoto ayeke daa, ama a tene, azo ti Filistii akpe kirikiri, ala nga alondo ti tumba peko ti azo ti Filistii ni, ti tiri bira na ala.

1 Samuel 23:19

Azo ti Zif ague na tere ti Saul na Gibea si ala tene na lo: “David ahonde tere ti lo na ndo ti e na ya ti du ti têne nduru na Horsha, na ndö ti hoto ti Hakila so ayeke na mbage ti Mbongo ti lando; mo ma tënë ni pepe?

1 Samuel 24:3

Saul amu akpengba turugu saki ota na popo ti aturugu ti Israel kue si lo gue ti gi David na azo ti lo na ndo so abaa le na ndo so a iri ni Têne-ti-angasa-ti-ngonda.

1 Samuel 31:7

So azo ti Israel so ayeke lango na mbage ti popo-hoto na ala so ayeke lango na mbage ti ngu ti Jourdain abaa so, azo ti Israel ayeke kpe si Saul na amolenge ti lo akui awe, ala do agbata ti ala azia si ala kpe. Azo ti Filistii aga si ala duti daa.

1 Samuel 7:7

Azo ti Filistii ama a tene, azo ti Israel abongbi tere ti ala na Mispa si agbia ti azo ti Filistii alondo ti gue ti tiri bira na azo ti Israel. Azo ti Israel ama tënë ni si mbeto asara ala.