1 Samuel 13:5 - Mbeti ti Nzapa - Tënë so amu fini

⁵ Azo ti Filistii abongbi nga ti tiri bira na azo ti Israel. Ala yeke na apusu ti mbarata saki baleota, azo ti kpengo na ambarata saki omene nga na gba ti aturugu so wungo ti ala ayeke tongana wungo ti mbutu ti yanga ti ngu. Azo ni ague, asara bâbâ ti ala na Mikmas na tere ti Bet-Aven na mbage ti To.

1 Samuel 13:5 ပူးပေါင်းရင်းမြစ်များ

Tongo nda ti aye 22:17

fade mbi yeke sara tufa na ndö ti mo gbani gbani. Mbi yeke sara titene *ahale ti mo awu mingi tongana atongoro ti le ti nduzu, nga tongana mbutu ti yanga ti kota ngu-ingo. Fade ahale ti mo ayeke mu akodro ti awato ti ala.

2 Samuel 17:11

Ti mbi, wango so mbi ye ti mu ayeke so: ayeke nzoni mo bongbi aturugu kue ti Israel na tere ti mo, ti londo na Dan ngbii asi na Bersheba. Alingbi wungo ti ala aduti tongana wungo ti mbutu ti yanga ti kota ngu-ingo. Na pekoni, mo wani, mo duti na li ti ala ti gue na bira ni.

1 Agbia 20:27

Akab nga atambula ti baa aturugu ti Israel oko oko kue. Na peko ti so a mu na ala kobe ti tengo ni awe, ala gue ti tengbi na aturugu ti Sirii. Aturugu ti Israel asara bâbâ ti ala le na le na ti aturugu ti Sirii. A kangbi ya ti aturugu ti Israel use si abongbi ni akpa akete bongbi ti angasa. Me ti aturugu ti Sirii, ala mu ya ti kodro ni kue.

2 Mbai 1:9

Fadeso KOTA GBIA Nzapa, ayeke nzoni mo sara si tënë so mo tene na babâ ti mbi David so, aga taa-tënë. Biani, mo laa mo zia mbi gbia na ndö ti azo so awu mingi tongana fuku ti sese.

Ésaïe 10:28

Wato asi nduru na Ayat, lo hon na ya ti Migron si lo zia akungba ti lo na Mikmas.

Ésaïe 48:19

Ka *ahale ti mo ayeke ga tongana mbutu ti yanga ti kota ngu-ingo, ka amolenge ti ya ti mo ayeke ga tongana le ti mbutu; na dawa ti mbi, ka a zi iri ti ala pepe, a mingo iri ti ala pepe.”

Jérémie 15:8

Mbi sara si awali-mua ti ala akiri aga gbani gbani tongana mbutu ti yanga ti kota ngu-ingo. Taa na kota lâ, mbi tokua mbeni zo ti bingo kpale ti ga na ndö ti mama ti ngangu zo ti bira. Gi hio tongaso, mbi bi na ndö ti lo kota ye ti vundu na ye ti mbeto.

Osée 10:5

Azo so alango na Samarii, fade ala yeke sara mbeto titene kete bagara so a sara na lôro si ayeke na kodro ti Bet-Aven so, azo amu ni ahon na ni. Awayango-sandaga ti mvene ayeke sara mua ndali ti bagara ni. Ayeke nzoni ala sara ngia fadeso ma, ngbanga ti so a zi gonda ti lo na popo ti ala, a hon na ni yongoro awe.

Osée 4:15

“Tongana mo Israel, mo sara ye ti ndumba, ayeke nzoni Juda asara gi mara ti sioni ye so pepe. Ala gue na Gilgal pepe, ala gue na Bet-Aven pepe si ala deba yanga ti ala pepe, atene: ‘KOTA GBIA ayeke na fini!’ ”

Osée 5:8

Kota Gbia atene: “Ala huru didi na Gibea, ala huru tatalita na Rama, ala dekongo na azo ti Bet-Aven ti fa na ala tënë ti bira. Ala azo ti mara ti Benjamin, azo ayeke ga na peko ti ala ti tiri bira na ala.

Rome 9:27

Ésaïe ato mbela na tënë na ndö ti azo ti Israel, lo tene: “Ataa wungo ti azo ti Israel ayeke tongana wungo ti mbutu ti yanga ti kota ngu-ingo, fade gi ambeni kete laa ayeke soo kuâ.

Josué 11:4

Agbia so kue alondo, ala na aturugu ti ala kue, ala mu lege ti gue. Ala wu mingi tongana mbutu ti yanga ti kota ngu-ingo. Ala yeke na ambarata nga na apusu ti mbarata gbani gbani.

Josué 18:12

Na mbage ti Banga, katikati ti sese ti ala alondo na ngu ti Jourdain, ague na mbage ti nduzu, na Banga ti Jéricho, akiri ahon na sese so ahoto ayeke daa na mbage ti Do si ague, asi na benyama, na Bet-Aven.

Josué 7:2

So ala yeke na Jéricho, Josué atokua ambeni koli na gbata ti Ai so ayeke nduru na gbata ti Bet-Aven, na mbage ti To ti Betel. Lo tene na ala: “Ala gue *abembe ndo na gbata ni.” Akoli ni ague, abembe ndo ni.

Awafango-ngbanga 7:12

Azo ti Madian, azo ti Amalek na ambeni mara ti mbage ti To amu ya ti lando ni gbani gbani tongana angadi; wungo ti *azambala ti ala ayeke tongana wungo ti mbutu ti yanga ti kota ngu-ingo.

1 Samuel 13:11

Samuel atene: “Nyen laa mo sara so?” Saul akiri tënë: “So aturugu ado mbi azia si ala kangbi kirikiri so, mo nga, mo ga na lango so e fa so pepe; na ndö ni kue, azo ti Filistii abongbi tere ti ala na Mikmas.

1 Samuel 13:2

Na popo ti azo ti Israel, Saul asoro aturugu saki ota. Aturugu saki use angba na tere ti lo na kodro ti Mikmas nga na sese ti ahoto ti Betel. Ambeni saki oko ayeke na tere ti molenge ti lo Jonatan na gbata ti Gibea, na sese ti Benjamin. Saul atene na tanga ti azo ti Israel titene zo oko oko akiri na ndo ti lo.

1 Samuel 14:23

Na lango ni so, KOTA GBIA asara si azo ti Israel aso benda. Bira ni ague ngbii asi na peko ti Bet-Aven kâ.

1 Samuel 14:52

Na ngoi so kue Saul ayeke gbia, lo tiri bira ngangu na azo ti Filistii. Lakue tongana lo baa mbeni zo ti ngangu wala mbeni zo so ayeke sara mbeto pepe, lo yeke mu zo ni ti ga turugu ti lo.

1 Samuel 17:1

Azo ti Filistii abongbi aturugu ti ala ti sara bira. Ala bongbi na Soko, na sese ti Juda; ala sara bâbâ ti ala na Efes-Damim so ayeke na popo ti Soko na Azeka.

1 Samuel 7:13

Azo ti Filistii ati na gbe ti azo ti Israel. Ala kiri ali na sese ti Israel pepe. Na ya ti alango so kue Samuel angba na fini, maboko ti KOTA GBIA asara ngangu na azo ti Filistii.