1 Samuel 13:4 - Mbeti ti Nzapa - Tënë so amu fini

⁴ Azo ti Israel kue ama a tene, Saul afâ mbeni govoronere ti azo ti Filistii si azo ti Filistii ni asara ngonzo na tere ti azo ti Israel. Tongaso aturugu kue abongbi ti mu peko ti Saul na kodro ti Gilgal.

1 Samuel 13:4 ပူးပေါင်းရင်းမြစ်များ

Tongo nda ti aye 34:30

Tongaso Jacob atene na Siméon nga na Lévi: “Ala ga na tënë na tere ti mbi, ngbanga ti so ala sara si mbi ga sioni na le ti azo ti kodro ti Kanaan na ti Perizi. E yeke mingi pepe. Fade azo ni ayeke bongbi na ndö ti e si ala yeke fâ mbi, ala yeke hunzi mbi na azo ti sewa ti mbi kue.”

Tongo nda ti aye 46:34

fade ala kiri tënë, atene: ‘Kua ti e ayeke ti batango anyama. E azo ti gbe ti mo, e to nda ti kua so na molenge ngbii asi laso, tongana akotara ti e.’ Tongaso si ala lingbi ti duti na sese ti Goshen, ngbanga ti so azo ti Ezipte ake tënë ti awabatango-nyama na be ti ala oko.”

2 Samuel 10:6

Azo ti Amon ahinga atene, ala ga sioni na le ti David awe. Ala futa aturugu 20 000 ti Sirii ti Bet-Rehob nga na ala ti Soba; aturugu ti gbia Maaka 1 000 na ala ti Tob 12 000.

Sigingo 5:21

Ala tene na Moïse nga na Aaron, atene: “Ayeke nzoni KOTA GBIA abaa ye so ala sara so si lo fâ ngbanga na li ti ala! Ndali ti ala laa Faraon na azo ti gbe ti lo aye ti baa e na le pepe. So ayeke tongana ye ti bira laa ala mu na ala ti fâ e na ni!”

Zakarii 11:8

Gi na ya ti nze oko, mbi tumba awabatango-taba ti ala ota kue. Na pekoni, nzara ti batango ataba ni ahunzi na be ti mbi si ala nga, be ti ala akiri ake mbi.

Josué 5:9

Na pekoni KOTA GBIA atene na Josué: “Kamene so ala mu na Ezipte aga na ni so, laso, mbi yeke sara titene ahon yongoro na tere ti ala.” Ndani laa azo adi iri ti ndo ni so Gilgal; iri ni so angba ngbii asi laso.

1 Samuel 10:8

Fade mo yeke gue na Gilgal kozo ti mbi. Mbi yeke gue na peko ti wara mo kâ ti mu na Nzapa *sandaga so a yeke gbi ni kue na wâ nga na sandaga ti beoko. Fade mo yeke ku mbi na ya ti lango mbarambara ngbii mbi ga, mbi wara mo si. Tongana mbi ga, mbi yeke fa na mo ye so mo lingbi ti sara.”

1 Samuel 27:12

Akish azia be ti lo kue na ndö ti David si lo tene na be ti lo, lo tene: “Lo kara azo ti Israel, azo ti mara ti lo awe. Fade lo yeke ngba ti sara kua na mbi kpu na kpu.”