1 Samuel 13:2 - Mbeti ti Nzapa - Tënë so amu fini

² Na popo ti azo ti Israel, Saul asoro aturugu saki ota. Aturugu saki use angba na tere ti lo na kodro ti Mikmas nga na sese ti ahoto ti Betel. Ambeni saki oko ayeke na tere ti molenge ti lo Jonatan na gbata ti Gibea, na sese ti Benjamin. Saul atene na tanga ti azo ti Israel titene zo oko oko akiri na ndo ti lo.

1 Samuel 13:2 ပူးပေါင်းရင်းမြစ်များ

2 Samuel 20:1

Mbeni zo ti bingo kpale ayeke lani kâ, iri ti lo ayeke Sheba, molenge ti Bikri, zo ti mara ti Benjamin. Sheba ahuru tatalita, atene: “Nyen laa abongbi e na David, nyen? Mbeni ye abongbi e na molenge ti Yese? Azo ti Israel, ayeke nzoni zo oko oko akiri na da ti lo.”

2 Samuel 21:6

Ayeke nzoni ala zia na maboko ti e azo mbarambara ti ya ti *hale ti lo, e kanga kamba na go ti ala na nduzu na dawa ti KOTA GBIA na Gibea, gbata so Saul aduti ando daa, Saul so KOTA GBIA asoro lo so.” Gbia akiri tënë: “Fade mbi yeke zia azo ni na maboko ti ala.”

2 Samuel 23:29

Heleb, molenge ti Baana, zo ti kodro ti Netofa; Itai, molenge ti Ribai, zo ti Gibea, na sese ti Benjamin;

Esdras 2:27

akoli ti kodro ti Mikmas ayeke 122;

Néhémie 11:31

Ambeni zo ti mara ti Benjamin aduti na Geba, Mikmas, Aya, Betel na ando nde nde so ayeke na tere ni,

Josué 18:28

Sela, Elef, gbata ti azo ti Yebus, so ti tene Jérusalem, Gibea na Kiriat-Yearim, so ti tene agbata baleoko na osio na akete kodro so ayeke na tere ni. So ayeke sese so aga ye ti azo ti Benjamin alingbi na akete mara ti ala laa.

Josué 22:6

Na pekoni, Josué asara tufa na ndö ti ala si lo zia ala titene ala kiri na ndo ti ala.

Awafango-ngbanga 19:12

Kota zo ti lo ni akiri tënë na lo: “E lingbi ti luti na kodro ti awande pepe. Ge so mbeni zo ti mara ti Israel ayeke daa pepe; e gue na gbata ti Gibea, e lango kâ.”

1 Samuel 10:26

Saul nga akiri na ndo ti lo na gbata ti Gibea. Ambeni ngangu turugu so Nzapa andu be ti ala amu peko ti lo.

1 Samuel 10:5

Na pekoni, mo yeke si na Gibea-Elohim, agovoronere ti azo ti Filistii ayeke kâ. Na lingo ti mo na ya ti gbata ni, mo yeke tengbi na mbeni bongbi ti awayanga-Nzapa so alondo na ndo so a leke na ndö ti hoto si ala yeke zu. Azo ti pikango kota kundi, kete kundi, kete ngo na azo ti hurungo ngoli ayeke na dawa ti ala. Awayanga-Nzapa ni ayeke sara ye tongana azo so Yingo agbu ala.

1 Samuel 13:1

Saul ayeke na ngu … si lo ga gbia; lo le-gbia ngu use na ndö ti azo ti Israel.

1 Samuel 13:11

Samuel atene: “Nyen laa mo sara so?” Saul akiri tënë: “So aturugu ado mbi azia si ala kangbi kirikiri so, mo nga, mo ga na lango so e fa so pepe; na ndö ni kue, azo ti Filistii abongbi tere ti ala na Mikmas.

1 Samuel 13:15

Samuel alondo na Gilgal ti gue na Gibea so ayeke na sese ti Benjamin. Saul adiko aturugu so ayeke na tere ti lo. Wungo ti ala aga nduru na ngbangbo omene.

1 Samuel 13:16

Saul, na molenge ti lo Jonatan nga na azo so ayeke na tere ti ala aduti na Geba na sese ti Benjamin. Me azo ti Filistii asara bâbâ ti ala na Mikmas.

1 Samuel 13:23

Mbeni bongbi ti aturugu ti Filistii ague, aduti na lege so ague na Mikmas.

1 Samuel 13:5

Azo ti Filistii abongbi nga ti tiri bira na azo ti Israel. Ala yeke na apusu ti mbarata saki baleota, azo ti kpengo na ambarata saki omene nga na gba ti aturugu so wungo ti ala ayeke tongana wungo ti mbutu ti yanga ti ngu. Azo ni ague, asara bâbâ ti ala na Mikmas na tere ti Bet-Aven na mbage ti To.

1 Samuel 14:31

Na lango ni so, azo ti Israel afâ azo ti Filistii, ti londo na Mikmas ngbii asi na Ayalon. Aturugu ti Israel awoko kue.

1 Samuel 14:5

Oko têne ni ayeke na mbage ti Banga si abaa le na Mikmas; mbeni têne ni ayeke na mbage ti Mbongo si abaa le na Geba.

1 Samuel 14:52

Na ngoi so kue Saul ayeke gbia, lo tiri bira ngangu na azo ti Filistii. Lakue tongana lo baa mbeni zo ti ngangu wala mbeni zo so ayeke sara mbeto pepe, lo yeke mu zo ni ti ga turugu ti lo.

1 Samuel 15:34

Na pekoni, Samuel akiri na Rama si Saul ague na ndo ti lo na Gibea.

1 Samuel 24:3

Saul amu akpengba turugu saki ota na popo ti aturugu ti Israel kue si lo gue ti gi David na azo ti lo na ndo so abaa le na ndo so a iri ni Têne-ti-angasa-ti-ngonda.

1 Samuel 26:2

Saul amu akpengba turugu ti Israel saki ota na tere ti lo, lo mu lege, lo gue na benyama ti Zif ti gi David.

1 Samuel 8:11

Lo tene: “Baa, lege so gbia so ayeke le-gbia ande na ndö ti ala ayeke so: fade lo yeke mu na popo ti amolenge ti ala ti koli ambeni titene ala kpe na apusu ti mbarata ti lo, ambeni ayeke kpe na ambarata ti lo, wala ala yeke kpe loro na dawa ti pusu ti mbarata ti lo.