1 Samuel 13:18 - Mbeti ti Nzapa - Tënë so amu fini

¹⁸ Use kangbi ni amu lege so ague na Bet-Horon si ota kangbi ni amu lege so ague na katikati ti kodro ni, na popo-hoto so a iri ni agbongo na mbage ti benyama.

1 Samuel 13:18 ပူးပေါင်းရင်းမြစ်များ

Tongo nda ti aye 10:19

si sese ti azo ti mara ti Kanaan ni alondo na Sidon ahon na Gerar ague ngbii asi na Gaza, ti gue na mbage ti Sodome na Gomore, na Adma, na Seboim, ngbii asi na Lesha.

Tongo nda ti aye 14:2

Ala tiri bira na agbia tongana Bera ti kodro ti Sodome, Birsha ti kodro ti Gomore, Shinab ti kodro ti Adma, Shemeber ti kodro ti Seboim, na lo ti kodro ti Bela, so ti tene kodro ti Soar.

2 Mbai 8:5

Lo kiri lo leke Bet-Horon-ti-nduzu na Bet-Horon-ti-gbeni, agbata so a sara ngangu gbagba na tere ni, gbagba ayeke na tere ni si a kanga yanga ni na angbongboro wen.

Néhémie 11:34

Hadid, Seboim, Nebalat,

Osée 11:8

“Efraim, mbi lingbi ti sara na mo tongana nyen? Israel, mbi lingbi ti ka mo tongana nyen? Mbi lingbi ti sara na mo ye so mbi sara ando na agbata ti Adma na ti Seboim so tongana nyen? Be ti mbi ado si mawa ti mo agbu be ti mbi mingi.

Josué 10:10

KOTA GBIA asara si azo ti mara ti Amori akpe kirikiri na dawa ti azo ti Israel; azo ti Israel afâ ala gbani gbani na gbata ti Gabaon. Ala tumba peko ti ala na lege so ague na nduzu, na Bet-Horon si ala fâ ala ngbii asi na Azeka nga na Makeda.

Josué 10:11

Na ndembe so ala yeke kpe na dawa ti azo ti Israel si ala londo na Bet-Horon ti zu na gbe ni, KOTA GBIA asara si angbongboro *pembe ti bekpa alondo na nduzu kâ atuku na ndö ti ala ngbii ala si na ni na Azeka si ala kui. Ala so apembe ti bekpa afâ ala ayeke mingi ahon ala so azo ti Israel afâ ala na yongoro zeme.

Josué 16:3

Na pekoni, katikati ni azu ti gue na Do, na sese ti azo ti mara ti Yafleti. Afâ ya ti Bet-Horon-ti-gbeni nga na Gezer si asi na kota ngu-ingo ti Mediterane.

Josué 16:5

Katikati ti sese ti mara ti Efraim alingbi na akete mara ti ala ayeke so: na mbage ti To, katikati ni alondo na Atrot-Adar, ague ngbii asi na Bet-Horon-ti-nduzu;

1 Samuel 14:15

Aturugu ti Filistii so angba na ya ti bâbâ nga na azo so ayeke na tere ti bâbâ ni, kota mbeto agbu ala. Ataa aturugu ti batango ndo, na ala ti bubango ndo, kota mbeto ahon ndö ti ala kue. Sese ayingi si kota mbeto ti Nzapa agbu ala.