1 Samuel 13:13 - Mbeti ti Nzapa - Tënë so amu fini

¹³ Samuel atene na Saul: “Mo sara ye tongana zo so li ti lo ayeke daa pepe. Tënë so KOTA GBIA, Nzapa ti mo atene na mo so, mo sara ye alingbi na ni pepe. Tongana mo sara fade ye alingbi na ni, ka lo zia mo, na *ahale ti mo ti duti gbia na ndö ti azo ti Israel kpu na kpu.

1 Samuel 13:13 ပူးပေါင်းရင်းမြစ်များ

Tongo nda ti aye 31:28

Mo zia mbi su ngbangba ti amolenge ti mbi ti wali na a-ata ti mbi pepe. Biani mo sara ye tongana zo so li ti lo ayeke daa pepe.

2 Samuel 24:10

Na peko ti so David adiko wungo ti azo, be ti lo apika kpu kpu kpu. Lo tene na *KOTA GBIA, lo tene: “Ye so mbi sara so ayeke sioni mingi. Mbi hinga, mbi tene, mbi sara ye tongana zo so li ti lo ayeke daa pepe. Fadeso, KOTA GBIA, mo zi siokpari so na li ti mbi, zo ti kua ti mo.”

1 Agbia 18:18

Élie akiri tënë: “Mbi laa mbi ga na kpale na ndö ti Israel pepe; me mo na azo ti sewa ti mo. Biani, ala ke ti sara ye alingbi na andia ti *KOTA GBIA si ala gue ti voro anzapa *Baal.

1 Agbia 21:20

Élie ague, atene peko ti tënë ni na Akab si Akab atene na Élie: “Ae, wato ti mbi, mo kiri mo wara mbi awe!” Élie akiri tënë: “Taa-tënë, mbi kiri mbi wara mo, ngbanga ti so mo ka tere ti mo ti sara ye so ayeke sioni na le ti KOTA GBIA.

1 Mbai 10:13

Saul akui, ngbanga ti so lo ke *KOTA GBIA. Lo ke ti sara ye alingbi na tënë ti KOTA GBIA; na ndö ni kue, lo gue ti hunda yingo ti mbeni kuâ

2 Mbai 16:9

Biani, le ti KOTA GBIA ayeke baa ndo na ndö ti sese kue titene lo mu maboko na azo so azia be ti ala kue na lo. Me ye so mo sara so, mo sara ni tongana zo so li ti lo ayeke daa pepe. Ndani laa, ti fadeso, awato ti mo ayeke ga na bira na tere ti mo.”

2 Mbai 19:2

Zo ti bango nda ti aye Yehu, molenge ti Hanani, aga awara gbia Yosafat na lege si atene na lo: “Mo mu maboko na sioni zo tongaso ngbanga ti nyen? Azo so be ti ala ake *KOTA GBIA so, mo ye ala ngbanga ti nyen? Ndali ti ye so mo sara so, KOTA GBIA ayeke sara ngonzo na tere ti mo.

Mbeti ti Job 34:18

Zo wa laa alingbi ti tene na gbia: “Buba zo!”, zo wa? Zo wa laa alingbi ti mu akota zo tongana azo ti fango zo, zo wa?

Amato 12:8

Azo ayeke gonda zo ndali ti hingango ndo ti lo; me zo so be ti lo asi singo na aye ti kirikiri, azo ayeke baa lo tongana mbumbuse zo.

Amato 19:3

Sarango ye ti buba ayeke buba gigi ti zo; na pekoni, be ti lo aso na KOTA GBIA.

Ésaïe 39:5

Tongaso Ésaïe atene na Ezekias: “Mo ma tënë ti *KOTA GBIA so ayeke na ndö ti dunia kue:

Jérémie 18:10

Me tongana azo ti mara ni ake yanga ti mbi si ala sara ye so ayeke sioni na le ti mbi, nzoni ye so mbi leke na be ti mbi ti sara na ala, mbi yeke zia lege ni.

1 Samuel 1:22

Me ti so ni, Anne ague pepe. Lo tene na koli ti lo: “Mbi yeke ku ti zi molenge ni na me si mbi gue na lo na Silo; mbi yeke fa lo na KOTA GBIA si lo yeke ngba kâ biani biani.”

1 Samuel 13:12

Tongaso, mbi tene na be ti mbi, mbi tene: Azo ti Filistii ayeke ga fadeso na Gilgal ti gbu mbi; me ade mbi sara ye ti zia ngia na be ti KOTA GBIA pepe! Ndani laa mbi kanga be ti mbi si mbi wani, mbi mu na Nzapa sandaga so a yeke gbi ni kue na wâ.”

1 Samuel 15:11

“Be ti mbi aso ndali ti so mbi sara si Saul aga gbia. Biani, lo ke mbi awe si lo ke ti ma yanga ti mbi.” Li ti Samuel aga kirikiri si lo sambela KOTA GBIA na bi ni kue.

1 Samuel 15:22

Samuel akiri atene: “Asandaga so a yeke gbi ni kue na wâ nga na ambeni sandaga anzere na be ti KOTA GBIA ahon mango yanga ti lo? Mango yanga ayeke nzoni mingi ahon asandaga; mango tënë ayeke nga nzoni mingi ahon anyama ti mafuta.

1 Samuel 15:28

Samuel atene na lo: “Lege so laa KOTA GBIA azi lengo-gbia na maboko ti mo laso na ndö ti Israel; lo mu ni na mbeni zo nde so ayeke nzoni ahon mo.

1 Samuel 16:1

*KOTA GBIA atene na Samuel: “Fade mo yeke ngba ti sara mawa ndali ti Saul ngbii asi lawa? Mbi ke lo awe; lo yeke ngba gbia ti Israel mbeni pepe. Mo tuku mafuta na ya ti didi ti mo, mo londo mo gue. Mbi yeke tokua mo na ndo ti Yese, zo ti Betlehem, ngbanga ti so mbi soro mbeni molenge ti lo oko titene lo ga gbia.”

1 Samuel 26:21

Saul atene: “Mbi sara siokpari awe. Molenge ti mbi David, kiri, mo ga. Mbi yeke kiri ti sara sioni na mo oko pepe, ngbanga ti so na bi so fini ti mbi aga mbeni kota ye na le ti mo. Taa-tënë mbi sara ye tongana zo so mbeni ye ayeke sara li ti lo. Mbi handa tere ti mbi ngangu.”