1 Samuel 13:11 - Mbeti ti Nzapa - Tënë so amu fini

¹¹ Samuel atene: “Nyen laa mo sara so?” Saul akiri tënë: “So aturugu ado mbi azia si ala kangbi kirikiri so, mo nga, mo ga na lango so e fa so pepe; na ndö ni kue, azo ti Filistii abongbi tere ti ala na Mikmas.

1 Samuel 13:11 ပူးပေါင်းရင်းမြစ်များ

Tongo nda ti aye 3:13

KOTA GBIA Nzapa ahunda wali ni, atene: “Nyen laa mo sara tongaso?” Wali ni akiri tënë na lo, atene: “Ngbo ahanda mbi si mbi te le ti keke ni.”

Tongo nda ti aye 4:10

Tongaso KOTA GBIA atene: “Nyen laa mo sara tongaso? Dekongo ti mene ti ita ti mo so mo tuku so, alondo na sese kâ, aga ngbii asi na mbi ge.

2 Samuel 3:24

Yoab ague na ndo ti gbia si atene na lo: “Nyen laa mo sara so? Abner aga na ndo ti mo si mo zia lege na lo, lo kiri senge tongaso?

2 Agbia 5:25

Gehazi akiri na tere ti wa ti lo. Élisée ahunda lo, atene: “Gehazi, mo londo na ndo wa?” Gehazi akiri tënë, atene: “Mbi zo ti kua ti mo, mbi gue na mbeni ndo oko pepe.”

Ésaïe 10:28

Wato asi nduru na Ayat, lo hon na ya ti Migron si lo zia akungba ti lo na Mikmas.

Josué 7:19

Josué atene na Akan: “Molenge ti mbi, gonda KOTA GBIA, Nzapa ti Israel, tene taa-tënë. Fa na mbi ye so mo sara, honde ye oko na mbi pepe.”

1 Samuel 13:12

Tongaso, mbi tene na be ti mbi, mbi tene: Azo ti Filistii ayeke ga fadeso na Gilgal ti gbu mbi; me ade mbi sara ye ti zia ngia na be ti KOTA GBIA pepe! Ndani laa mbi kanga be ti mbi si mbi wani, mbi mu na Nzapa sandaga so a yeke gbi ni kue na wâ.”

1 Samuel 13:16

Saul, na molenge ti lo Jonatan nga na azo so ayeke na tere ti ala aduti na Geba na sese ti Benjamin. Me azo ti Filistii asara bâbâ ti ala na Mikmas.

1 Samuel 13:2

Na popo ti azo ti Israel, Saul asoro aturugu saki ota. Aturugu saki use angba na tere ti lo na kodro ti Mikmas nga na sese ti ahoto ti Betel. Ambeni saki oko ayeke na tere ti molenge ti lo Jonatan na gbata ti Gibea, na sese ti Benjamin. Saul atene na tanga ti azo ti Israel titene zo oko oko akiri na ndo ti lo.

1 Samuel 13:23

Mbeni bongbi ti aturugu ti Filistii ague, aduti na lege so ague na Mikmas.

1 Samuel 13:5

Azo ti Filistii abongbi nga ti tiri bira na azo ti Israel. Ala yeke na apusu ti mbarata saki baleota, azo ti kpengo na ambarata saki omene nga na gba ti aturugu so wungo ti ala ayeke tongana wungo ti mbutu ti yanga ti ngu. Azo ni ague, asara bâbâ ti ala na Mikmas na tere ti Bet-Aven na mbage ti To.

1 Samuel 14:5

Oko têne ni ayeke na mbage ti Banga si abaa le na Mikmas; mbeni têne ni ayeke na mbage ti Mbongo si abaa le na Geba.