1 Samuel 12:9 - Mbeti ti Nzapa - Tënë so amu fini

⁹ Me be ti akotara ti ala agirisa na KOTA GBIA, Nzapa ti ala. Ndani laa KOTA GBIA azia ala na maboko ti Sisra, makonzi ti aturugu ti Hasor, na maboko ti azo ti Filistii nga na ti Moab so atiri bira na ala.

1 Samuel 12:9 ပူးပေါင်းရင်းမြစ်များ

2 Samuel 7:11

Ti londo na lango so mbi zia awafango-ngbanga ti sara komandema na ndö ti azo ti Israel, azo ti mbi, mbi tumba awato ti mo kue si mo wara lege ti duti kpoo. KOTA GBIA atene na mo lani atene, lo laa lo yeke sara da ndali ti mo.

Abia (Psaumes) 106:21

Ala girisa Nzapa, wasongo ala, lo so lo sara akota ye na Ezipte,

Ésaïe 63:10

Me ala tomboka na tere ti lo, ala sara si yingo ti lo so ayeke nde si ayeke nzoni kue awara vundu. Tongaso lo kiri lo ga wato ti ala si lo wani, lo tiri bira na ala.

Jérémie 2:32

Maseka-wali alingbi ti girisa aye ti pendere ti lo? Wali so ayeke ku ti mu koli alingbi ti girisa bongo ti matanga ti mungo tere ni? Oko pepe! Me azo ti mbi agirisa mbi lango mingi, zo alingbi ti diko wungo ni pepe.”

Ndia ti fani use ni 32:18

Azo ti Israel, Kota Têne ti batango ala, lo so lo du ala, ala baa lo tongana senge ye; Nzapa so asara si ala baa gigi, be ti ala agirisa na lo awe!

Ndia ti fani use ni 32:30

Wato oko senge alingbi ti tumba peko ti aturugu ti Israel saki oko? Awato use senge alingbi ti sara si azo ti Israel saki baleoko akpe? Biani, mbi KOTA GBIA so mbi yeke Kota Têne ti batango ala, mbi zia ala na maboko ti awato ti ala ni awe.

Awafango-ngbanga 10:7

Ngonzo ti KOTA GBIA alondo tongana wâ na tere ti azo ti Israel, lo zia ala na maboko ti azo ti Filistii na ti azo ti Amon.

Awafango-ngbanga 13:1

Azo ti Israel akiri asara ye so ayeke sioni na le ti *KOTA GBIA; tongaso lo zia ala na maboko ti azo ti Filistii na ya ti ngu baleosio.

Awafango-ngbanga 2:14

KOTA GBIA asara ngonzo na tere ti azo ti Israel. Lo zia ala na maboko ti azo ti gbungo ye ti azo si azo ni agbu aye ti ala kue. Lo ka ala na awato ti ala so alango nduru na ala; ala lingbi ti gbu le ni na awato ti ala mbeni pepe.

Awafango-ngbanga 3:12

Azo ti Israel akiri asara ye so ayeke sioni na le ti *KOTA GBIA. Ndani laa KOTA GBIA amu ngangu na Eglon, gbia ti Moab titene lo gue na tere ti ala, ngbanga ti so ala sara ye so ayeke sioni na le ti KOTA GBIA.

Awafango-ngbanga 3:31

Na peko ti Ehud ayeke Shamgar, molenge ti Anat. Lo fâ azo ti Filistii ngbangbo omene na keke ti fango lege na abagara. Lo nga lo soo azo ti Israel na ya ti aye ti ngangu.

Awafango-ngbanga 4:2

Nilaa KOTA GBIA azia ala na maboko ti Yabin, gbia ti Kanaan; lo yeke lango na gbata ti Hasor. Makonzi ti aturugu ti lo ayeke Sisra; Sisra ayeke lango ti lo na Harosheth-Goim.

1 Samuel 12:15

Me tongana ala ma yanga ti KOTA GBIA pepe, tongana ala ke andia ti lo, fade maboko ti KOTA GBIA ayeke sara ngangu na ala tongana ti so lo sara ando na akotara ti ala so.