1 Samuel 12:3 - Mbeti ti Nzapa - Tënë so amu fini

³ Baa, mbi laa na dawa ti ala so. Tongana mbi sara mbeni ye ti sioni, ayeke nzoni ala fa ni na le ti *KOTA GBIA nga na le ti gbia so lo soro lo so. Zo wa laa mbi mu bagara ti lo wala lele ti lo, zo wa? Zo wa laa mbi mu ye ti lo na haram wala mbi sara ngangu na lo, zo wa? Zo wa laa apete goro na mbi si mbi kanga le na ndö ti tënë ti lo, zo wa? Fade mbi yeke kiri na ni na lo.”

1 Samuel 12:3 ပူးပေါင်းရင်းမြစ်များ

2 Samuel 22:22

Biani, mbi ngba na lege ti KOTA GBIA, mbi sara mbeni ye ti ke Nzapa ti mbi pepe.

Néhémie 5:11

Gi laso laso, ayeke nzoni ala kiri na azo ni ayaka ti ala, ayaka ti vinye ti ala, ayaka ti a-olive ti ala nga na ada ti ala. Ataa nginza, ble, fini vin na mafuta so ala sara boon ni na azo ni titene azo ni azia mbeni ye na ndö ni si akiri na ni na ala, ayeke nzoni ala kiri ahunda ni pepe.”

Abia (Psaumes) 15:5

Tongana lo sara boon ti nginza na mbeni zo, lo yeke hunda ti wara mbeni ye na ndö ni pepe. Tongana mbeni zo aye ti pete goro na lo titene lo tene mvene na li ti zo so tënë ayeke na li ti lo pepe, lo yeke ke. Zo so asara ye tongaso, mbeni ye ti yingi lo ayeke daa pepe.

Sigingo 20:17

“Alingbi mo sara nzara ti da ti mba ti mo pepe; mo sara nzara ti wali ti mba ti mo pepe, ataa zo ti kua ti lo ti koli, ataa zo ti kua ti lo ti wali, ataa bagara ti lo, ataa lele ti lo, ataa ye so kue lo yeke na ni.”

Sigingo 22:4

“Tongana zo azia anyama ti lo ti gue ti te pere na yaka ti lo wala na yaka ti *vinye ti lo wani, me anyama ni ague, ate pere na yaka ti mba ti lo wala na yaka ti vinye ti mba ti lo, alingbi wa ti anyama ni amu na mba ti lo ni anzoni le ti kobe ti yaka ti lo wala anzoni le ti kobe ti yaka ti vinye ti lo.

Sigingo 23:8

Tongana mbeni zo aye ti pete goro na ala, ala yeda na ni pepe, ngbanga ti so goro ayeke vuko le ti zo, ataa zo so le ti lo azi; asara si fango ngbanga ague kirikiri.

Amato 15:27

Zo so ayeke wara mosoro na legeni pepe, lo yeke ga na kpale na ya ti sewa ti lo. Me zo so ake tënë ti petengo goro, lo yeke ngba na fini.

Awayango-sandaga 6:4

Lo yeke zi abongo so ayeke na tere ti lo, lo yu ambeni bongo nde si lo mu mburu ti wâ ni, lo sigigi na ni na ya ti bâbâ ni ti gue na ni na mbeni ndo so ayeke *nzoni.

Awayango-sandaga 6:5

Wâ so ayeke na ndö ti gbalaka ayeke ngba ti lo ti za lakue na ndö ni, ayeke mingo pepe. Lakue na ndaperere, wayango-sandaga ayeke zia akeke ti wâ daa, lo yeke leke sandaga so a yeke gbi ni kue na wâ na ndö ni, lo yeke zö nga mafuta so a mu na sandaga ti beoko na ndö ni.

Wungo ti azo 16:15

Ngonzo agbu Moïse ngangu mingi si lo tene na KOTA GBIA: “Yeda na *sandaga ti ala pepe! Laoko mbi mu ye ti ala pepe, ataa mbeni lele ti ala. Mbi sara mbana na zo oko na popo ti ala pepe!”

Matthieu 22:21

Ala kiri tënë na lo: “Ti kota gbia ti Rome.” Tongaso Jésus atene na ala: “Ala futa na kota gbia ti Rome ye so ayeke ti lo, ala futa na Nzapa ye so ayeke ti Nzapa.”

Nzoni Tënë so Luc asu na mbeti 19:8

Me Zachée aluti na le ti *Kota Gbia si lo tene: “Kota Gbia, baa, mbi yeke mu ndambo ti aye ti mbi kue na azo ti mawa. Tongana mbi nzi nginza ti zo na mayere, fade mbi yeke kiri ni na lo lege osio!”

Awatokua 20:33

Mbi sara nzara ti nginza, wala nzara ti lôro wala nzara ti bongo ti mbeni zo oko pepe.

2 Korente 12:14

Fadeso, mbi leke tere ti mbi ti gue na ndo ti ala kâ ti fani ota ni. Mbi yeke ga ande tongana kungba na ndö ti ala pepe, ngbanga ti so mbi yeke gi anzoni ye ti ala pepe, me ala wani laa mbi yeke gi ala. Kua ti amolenge ayeke ti gi ye pepe ti bata na babâ na mama ti ala, me babâ na mama laa ayeke gi ye ti bata na amolenge ti ala.

Ndia ti fani use ni 16:19

Ala buba ya ti ngbanga pepe! Tongana ala yeke fâ ngbanga, alingbi ala mu mbage ti mbeni zo pepe; ala yeda titene azo apete na ala goro pepe, ngbanga ti so goro ayeke vuko le ti zo ti ndara si ayeke buba ya ti tënë ti zo ti mbirimbiri.

1 Tesalonike 2:10

Ye so e sara, ala hinga ni awe, Nzapa nga ahinga ni awe: dutingo ti e na popo ti ala so ama na be ayeke nzoni kue, ayeke mbirimbiri, tënë oko ayeke na li ti e pepe.

1 Tesalonike 2:5

Ala hinga kue: laoko e tene mbeni tënë ti handango na zo pepe; laoko e honde nzara ti warango aye na peko ti fango tënë ti e pepe, Nzapa ahinga ni!

1 Pierre 5:2

Ala bata bongbi ti azo ti Nzapa so lo zia na maboko ti ala. Ala sara ni na nzoni be, tongana ti so be ti Nzapa aye; mbeni zo agbu ala na ngangu ti sara ni pepe. Ala sara kua ni ndali ti nzara ti nginza pepe, me ala mu tere ti ala kue na kua ni.

1 Samuel 10:1

Samuel amu ngbenda ti mafuta, lo tuku mafuta ni na li ti Saul. Lo su ngbangba ti Saul si lo tene na lo: “*KOTA GBIA wani laa atuku mafuta na li ti mo titene mo ga makonzi na ndö ti azo ti lo.

1 Samuel 12:4

Azo ti Israel atene: “Mo mu ye ti e na haram pepe. Mo sara ngangu na e pepe. Mbeni zo oko apete nga goro na mo pepe.”

1 Samuel 12:5

Samuel akiri tënë na ala: “KOTA GBIA na gbia so lo soro lo ama tënë ti yanga ti ala laso awe. Ala wara mbeni tënë na li ti mbi pepe.” Azo ti Israel akiri tënë: “Een! KOTA GBIA ama tënë ti e awe.”

1 Samuel 2:35

Na pekoni, fade mbi yeke soro mbeni wayango-sandaga so ayeke sara ye na legeni. Lo yeke sara ande ye so anzere na mbi nga na ye so be ti mbi aye. Mbi yeke sara titene ahale ti lo aduti awayango-sandaga lakue. Zo ti mbi so mbi yeke soro lo titene lo ga gbia, fade ala sara kua na lo.

1 Samuel 24:11

Laso, mo baa na le ti mo wani awe; laso KOTA GBIA azia mo na maboko ti mbi na ya ti du ti têne so. Azo atene na mbi ti fâ mo, me mbi ke si mbi tene: ‘Maboko ti mbi alingbi ti ndu kota zo ti mbi pepe, ngbanga ti so KOTA GBIA atuku mafuta na li ti lo awe.’

1 Samuel 24:6

Na peko ti aye so, be ti David apika mingi, ngbanga ti so lo fâ yanga ti kota bongo ti Saul.

1 Samuel 24:7

David atene na azo ti lo: “Ayeke nzoni KOTA GBIA abata mbi si mbi sara sioni na kota zo ti mbi pepe! Biani, Nzapa laa atuku mafuta na li ti lo ti zia lo gbia. Maboko ti mbi so ayeke sara ande sioni na lo oko pepe, ngbanga ti so Nzapa atuku mafuta na li ti lo awe.”

1 Samuel 26:11

Ayeke nzoni KOTA GBIA abata mbi si mbi sara sioni pepe na zo so KOTA GBIA atuku mafuta na li ti lo! Mu gi likongo so ayeke nduru na mbage ti li ti lo, nga na ngângâ ti ngu si e gue.”

1 Samuel 26:9

Me David atene na Abishai: “Fâ lo pepe. Zo so *KOTA GBIA atuku mafuta na li ti lo awe so, tongana mbeni zo afâ lo, fade a yeke zia zo ni senge?”