1 Samuel 12:20 - Mbeti ti Nzapa - Tënë so amu fini

²⁰ Samuel atene na azo ni: “Ala sara mbeto pepe! Ala wani laa asara asioni ye so kue. Me ala hon yongoro na KOTA GBIA pepe, ala sara kua na lo na be ti ala kue.

1 Samuel 12:20 ပူးပေါင်းရင်းမြစ်များ

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

Abia (Psaumes) 101:3

Fade mbi yeke zia le ti mbi angba na ndö ti ye ti sioni pepe. Be ti mbi ake sarango ye ti azo so ake mo, ngbanga ti mbi ayeke na sarango ye ti ala ni pepe.

Abia (Psaumes) 125:5

Me ti azo so agirisa nzoni lege ti mu lege ti kirikiri, ayeke nzoni KOTA GBIA atumba ala, ala na azo ti sarango sioni. Ayeke nzoni siriri aduti na Israel!

Abia (Psaumes) 40:4

Lo zia fini bia na yanga ti mbi, bia ti sepelango na Nzapa ti e. Fade azo mingi ayeke baa ye ni, ala yeke sara mbeto ti KOTA GBIA si ala yeke zia be ti ala na ndö ti lo.

Sigingo 23:25

Tongana ala voro gi mbi oko KOTA GBIA, Nzapa ti ala, fade mbi yeke sara tufa na ndö ti kobe ti ala nga na ndö ti ngu ti ala; fade mbi yeke tumba kobela yongoro na tere ti ala.

Sigingo 32:30

Lango oko na pekoni, Moïse atene na azo ni, atene: “Ala sara kota siokpari awe. Me fadeso, mbi yeke gue na li ti hoto na mbage ti KOTA GBIA. Mbi hinga pepe, mbi yeke gi lege ti sara si lo zi siokpari na li ti ala.”

Jérémie 3:1

*KOTA GBIA atene: Tongana koli atumba wali ti lo si wali ni ague, amu mbeni koli nde, fade kozo koli ni alingbi ti kiri na tere ti wali ni? Oko pepe! Kodro so azo ni ayeke sara mara ti aye tongaso ayeke ga sioni ahon ndoni pepe? Ti mo Israel, mo sara ye ti ndumba na gba ti andeko. Na pekoni mo tene, mo ye ti kiri na tere ti mbi? So tënë ti yanga ti KOTA GBIA laa.

Aggée 2:5

Na ndembe so ala londo ando na Ezipte ti sigigi, mbi deba yanga ti mbi na ala. Tongaso, Yingo ti mbi ayeke duti na popo ti ala, ala sara mbeto oko pepe!

Ndia ti fani use ni 10:12

Moïse atene: Ala azo ti Israel, ye so *KOTA GBIA Nzapa ti ala ayeke ku na mbage ti ala fadeso ayeke nyen? Lo yeke ku gi titene ala kpe mbeto ti lo, ala sara ye so kue lo ye, ala ye lo si ala sara kua na lo na be ti ala kue, na yingo ti ala kue.

Ndia ti fani use ni 11:16

Ala sara hange si mbeni ye ahanda ala pepe! Ala mu mbeni lege nde pepe, ala voro anzapa nde pepe, ala kuku na gbe ti anzapa ni nga pepe.

Ndia ti fani use ni 31:29

Biani, mbi hinga, mbi tene, na peko ti kuâ ti mbi, fade azo ti Israel ayeke ti na ya ti siokpari, ala yeke zia lege so mbi fa na ala. Gbanda, fade ye ti vundu ayeke si na ala ndali ti asioni ye so kue ala yeke sara ti so be ti KOTA GBIA nga na aye so be ti lo ake ni.”

Josué 23:6

Me gi ye oko, ala mu be ti ala kue ti sara ye alingbi na tënë so kue a su na ya ti mbeti ti *Ndia ti Moïse. Ala zia lege ni ti gue mbage na mbage pepe.

1 Pierre 3:16

Ala kiri tënë na azo ni na ngangu pepe, ala ne azo ni. Alingbi mbeni sioni ye oko aduti na be ti ala pepe. Tongaso, taa ye so azo ayeke bi tënë na li ti ala senge senge ndali ni, kamene ayeke gbu azo so atene sioni tënë na tere ti ala ndali ti nzoni dutingo ti ala oko na Christ.

1 Samuel 12:19

Azo ni kue atene na Samuel: “Sambela KOTA GBIA, Nzapa ti mo ndali ti e azo ti gbe ti mo si e kui pepe. Biani, na ndö ti asiokpari so kue e sara, e kiri e zia mbeni na ndö ni na lege ti so e hunda mbeni gbia.”