1 Samuel 12:15 - Mbeti ti Nzapa - Tënë so amu fini

¹⁵ Me tongana ala ma yanga ti KOTA GBIA pepe, tongana ala ke andia ti lo, fade maboko ti KOTA GBIA ayeke sara ngangu na ala tongana ti so lo sara ando na akotara ti ala so.

1 Samuel 12:15 ပူးပေါင်းရင်းမြစ်များ

2 Mbai 15:2

Lo gue, lo wara Asa si lo tene na lo: “Gbia Asa, mo na azo ti Juda nga na azo ti Benjamin kue, ala ma mbi si! *KOTA GBIA ayeke na ala, tongana ala yeke na lo. Tongana ala gi lo, fade lo yeke zi lege na ala ti wara lo; me tongana ala zia lo, fade lo nga lo yeke zia ala.

Ésaïe 1:20

Me tongana ala ke si ala sara ngangu li, ala yeke kui ande kuâ ti yongoro zeme.” Tënë so asigigi na yanga ti KOTA GBIA laa.

Ésaïe 3:11

Me ti zo ti sioni, so mawa na lo! Fade ye ti lo kue ayeke ga sioni, a yeke sara na lo alingbi na asarango ye ti lo.

Abia ti demango tere 1:18

KOTA GBIA ayeke mbirimbiri; mbi laa mbi ke yanga ti lo. Ala azo ti mara kue, ala ma mbi si: ala baa nga pasi so mbi yeke na ni laa? Azo agbu amaseka-koli na amaseka-wali ti mbi, ahon na ala na kodro wande awe!

Ndia ti fani use ni 31:27

Biani, mbi hinga azo ti Israel kue: be ti ala akpengba mingi, ala yeke azo ti ngangu li. Laso, mbi de na fini na popo ti ala. Me ataa so kue, ala yeke tomboka na tere ti KOTA GBIA! Na peko ti kuâ ti mbi, fade ye ni ayeke ga ande tongana nyen?

Josué 24:20

Tongana ala zia KOTA GBIA ti sara kua na ambeni nzapa nde, fade lo yeke kiri na ndö ti ala ti sara sioni na ala, lo yeke fâ ala ti hunzi ala na peko ti nzoni so lo sara na ala.”

Awafango-ngbanga 2:15

Lakue tongana ala yeke gue na bira, KOTA GBIA ayeke sara kue titene a kinda ala alingbi gi na tënë ti yanga ti lo nga na deba so lo de na ala. Ala yeke na ya ti kota mawa.

1 Samuel 12:9

Me be ti akotara ti ala agirisa na KOTA GBIA, Nzapa ti ala. Ndani laa KOTA GBIA azia ala na maboko ti Sisra, makonzi ti aturugu ti Hasor, na maboko ti azo ti Filistii nga na ti Moab so atiri bira na ala.

1 Samuel 5:9

Me gi so ala si na ni na Gat awe, maboko ti KOTA GBIA asara ngangu na azo ti gbata ni. Kota mbeto asara ala. KOTA GBIA azia kobela ti sukungo ye na tere ti ala: amolenge na akangba.