1 Samuel 12:13 - Mbeti ti Nzapa - Tënë so amu fini

¹³ Fadeso, baa gbia so ala soro so laa; gbia so ala hunda so laa. KOTA GBIA amu na ala gbia awe.

1 Samuel 12:13 ပူးပေါင်းရင်းမြစ်များ

Osée 13:11

Na ya ti ngonzo ti mbi, mbi mu na mo mbeni gbia; na ya ti sioni ngonzo ti mbi, mbi zi lo na maboko ti mo.

Awatokua 13:21

Na ndembe so ala hunda ti wara mbeni gbia, Nzapa amu na ala Saul, molenge ti Kish, zo ti mara ti Benjamin; lo le-gbia na ya ti ngu baleosio.

1 Samuel 10:24

Samuel atene na azo ni: “Ala baa, zo so KOTA GBIA asoro lo so laa! Na popo ti azo kue, mbeni zo ti lingbi na lo ayeke daa pepe.” Azo kue adekongo na ngia, atene: “E mu gbia na nduzu!”

1 Samuel 11:15

Azo ni kue ague na Gilgal. Kâ, ala zia Saul gbia na dawa ti KOTA GBIA. Na pekoni, ala mu *sandaga ti beoko na KOTA GBIA. Saul na azo ti Israel kue asara ngia mingi.

1 Samuel 12:17

Ngoi so e yeke daa so, ayeke ngoi ti fango le ti *ble pepe? Mbi yeke sambela KOTA GBIA titene lo sara si bekpa asungba si ngu-Nzapa apika. Tongaso si ala hinga atene, ala sara sioni mingi na KOTA GBIA na lege so ala hunda mbeni gbia.”

1 Samuel 12:19

Azo ni kue atene na Samuel: “Sambela KOTA GBIA, Nzapa ti mo ndali ti e azo ti gbe ti mo si e kui pepe. Biani, na ndö ti asiokpari so kue e sara, e kiri e zia mbeni na ndö ni na lege ti so e hunda mbeni gbia.”

1 Samuel 8:5

Ala tene na lo: “Baa, mo ga mbakoro awe; me amolenge ti mo amu peko ti sarango ye ti mo pepe. Ayeke nzoni mo mu na e mbeni gbia titene lo fâ ngbanga ti e tongana ti amara kue.”

1 Samuel 9:20

Ti amama ti lele ti mo so agirisa asara lango ota awe so, mo kiri mo gi be ti mo ndali ti ala pepe, a wara ala awe. Anzoni ye so ayeke na Israel so ayeke ti zo wa? Ayeke ti mo wala ti asewa ti babâ ti mo pepe?”