1 Samuel 11:7 - Mbeti ti Nzapa - Tënë so amu fini

⁷ Lo mu abagara use, lo doroko ala. Na pekoni, lo tokua azo ti gue na akasa ti nyama ni na sese ti Israel kue. Lo mu yanga na awatokua ni ti tene na azo ti kodro kue, lo tene: “Zo so amu peko ti Saul na Samuel pepe ti gue na bira, baa ye so ayeke si na abagara ti lo laa.” Mbeto ti KOTA GBIA agbu azo kue si ala londo tongana zo oko ti gue.

1 Samuel 11:7 ပူးပေါင်းရင်းမြစ်များ

Tongo nda ti aye 35:5

Na pekoni, ala londo, ahon. Nzapa asara si kota mbeto agbu azo ti agbata so ayeke nduru na ala. Tongaso zo oko atumba peko ti amolenge ti Jacob pepe.

2 Mbai 14:14

Ala li nga na bira na ndo ti lango ti azo ti batango anyama si ala gbu ataba na angasa gbani gbani nga na *azambala. Na pekoni, ala kiri na Jérusalem.

2 Mbai 17:10

Akodro-gbia so kue ayeke na tere ti Juda asara mbeto ti *KOTA GBIA si mbeni oko atiri bira na Yosafat pepe.

2 Mbai 19:7

Fadeso, ala kpe mbeto ti KOTA GBIA; ala sara hange na ye so kue ala yeke sara, ngbanga ti so KOTA GBIA, Nzapa ti e aye ye ti kirikiri pepe, lo yeke mu mbage ti mbeni zo pepe, lo ye tënë ti petengo goro pepe.”

Ésaïe 8:13

Ayeke nzoni ala hinga atene, KOTA GBIA so ayeke na ndö ti dunia kue laa ayeke nde si lo yeke nzoni kue, lo laa ala lingbi ti sara mbeto ti lo, lo laa ala lingbi ti duti na mbeto ti lo.

Awafango-ngbanga 19:29

So lo si na da awe, lo mu zeme si lo fâ ya ti kuâ ti wali ni na ndo so abio atengbi tere daa alingbi baleoko na use. Lo tokua kasa oko na amara ti Israel oko oko kue.

Awafango-ngbanga 20:1

Azo ti Israel kue abongbi tere tongana zo oko na dawa ti *KOTA GBIA na sese ti Mispa. Ala londo na sese ti Dan ngbii ala si na Bersheba nga na Galaad.