1 Samuel 11:4 - Mbeti ti Nzapa - Tënë so amu fini

⁴ Awatokua ague, asi na Gibea, gbata ti Saul. Ala tene na azo ni peko ti tënë ti aye so asi. Azo ni kue ati na kota toto.

1 Samuel 11:4 ပူးပေါင်းရင်းမြစ်များ

Tongo nda ti aye 27:38

Ezau akiri tënë na babâ ti lo, atene: “Babâ, gi oko tufa so mo yeke na ni laa? Mbi nga, ayeke nzoni mo sara tufa na ndö ti mbi.” Ezau atoto ngangu.

2 Samuel 21:6

Ayeke nzoni ala zia na maboko ti e azo mbarambara ti ya ti *hale ti lo, e kanga kamba na go ti ala na nduzu na dawa ti KOTA GBIA na Gibea, gbata so Saul aduti ando daa, Saul so KOTA GBIA asoro lo so.” Gbia akiri tënë: “Fade mbi yeke zia azo ni na maboko ti ala.”

1 Mbai 12:3

Ahiezer, makonzi ni, lo na ita ti lo Yoash, molenge ti Shema, zo ti Gibea; Yeziel na Pelet, amolenge ti Azmavet; Beraka na Yehu, azo ti kodro ti Anatot;

Rome 12:15

Ala sara ngia na azo so ayeke na ngia, ala toto na azo so ayeke toto.

1 Korente 12:26

Tongana mbeni mbage ti tere oko ayeke baa pasi, atanga ni kue ayeke baa pasi legeoko na lo. Tongana a ne mbeni mbage ti tere oko, fade ayeke ne nga atanga ni kue.

Galasii 6:2

Ala yo kungba ti amba ti ala na popo ti ala: so lege ti sarango ye alingbi na ndia ti Christ laa.

Ahebro 13:3

Ala dabe ti ala na azo so ayeke na da ti kanga, ala baa tere ti ala tongana azo so ayeke nga na da ti kanga oko na azo ni. Ala dabe ti ala na azo so a yeke sara sioni na ala, ngbanga ti so ala nga, a-ita, ala yeke na tere tongana ti azo so a yeke sara sioni na ala so.

Awafango-ngbanga 2:4

So ange ti KOTA GBIA atene tënë so na azo ti Israel kue awe, azo ni kue ati na toto.

Awafango-ngbanga 20:26

Tongaso, azo ti Israel kue amu lege ague na Betel. Kâ, ala duti ti toto na dawa ti KOTA GBIA, ala ke kobe ngbii asi na lakui. Ala mu na KOTA GBIA *sandaga so a yeke gbi ni kue na wâ nga na sandaga ti beoko.

Awafango-ngbanga 21:2

Azo ti kodro ni kue akiri ague na Betel, ala duti kâ na dawa ti *KOTA GBIA ngbii asi na lakui. Ala dekongo si ala toto mingi.

1 Samuel 10:26

Saul nga akiri na ndo ti lo na gbata ti Gibea. Ambeni ngangu turugu so Nzapa andu be ti ala amu peko ti lo.

1 Samuel 14:2

Saul aduti na maka ti Gibea na gbe ti keke ti grenade so ayeke na kodro ti Migron. Aturugu nduru na ngbangbo omene ayeke na tere ti lo.

1 Samuel 15:34

Na pekoni, Samuel akiri na Rama si Saul ague na ndo ti lo na Gibea.

1 Samuel 30:4

David na amba ti lo ati na kota toto; ala toto ngbii ala woko kue, ala yeke na ngangu ti kiri ti toto pepe.