1 Samuel 11:13 - Mbeti ti Nzapa - Tënë so amu fini

¹³ Me Saul atene: “Laso, a yeke fâ zo oko pepe, ngbanga ti so KOTA GBIA asoo azo ti Israel na kuâ awe.”

1 Samuel 11:13 ပူးပေါင်းရင်းမြစ်များ

2 Samuel 19:22

Abishai, so iri ti mama ti lo ayeke Seruya amu tënë si lo tene: “Shimei so lani azonga gbia so *KOTA GBIA asoro lo so, tënë so lo tene so laa alingbi ti kanga lege ti fâ lo?”

2 Samuel 19:23

Me David atene: “Ala amolenge ti Seruya, ala yoro yanga ti ala na ya ti tënë ti mbi ngbanga ti nyen? Ngbanga ti nyen si laso ala ga awato ti mbi? Laso mbi hinga biani mbi tene, mbi yeke gbia ti Israel. Ndani laa, mbi ye pepe titene a fâ zo laso na sese ti Israel.”

2 Samuel 23:10

Me Elazar alondo si lo fâ azo ti Filistii ngbii maboko ti lo awoko si angba gi na tere ti yongoro zeme ti lo. Na lango ni so, *KOTA GBIA asara si azo ti Israel aso benda. Aturugu ni akiri na tere ti Elazar gi ti ro aye ti azo so akui so.

Sigingo 14:13

Moïse akiri tënë na azo ni, atene: “Ala sara mbeto pepe! Ala luti tongana koli! Ala yeke baa lege so KOTA GBIA ayeke soo ala na kuâ laso. Biani, azo ti Ezipte so ala yeke baa ala laso, ala yeke kiri ti baa ala mbeni pepe!

Sigingo 14:30

Na lango ni so, KOTA GBIA asoo azo ti Israel na maboko ti azo ti Ezipte si azo ti Israel abaa kuâ ti azo ti Ezipte na yanga ti kota ngu-ingo ni.

Ésaïe 59:16

Lo baa so zo oko ti sara ye ayeke daa pepe; li ti lo akpe, ngbanga ti so zo oko ti mu maboko ayeke daa pepe. Tongaso, maboko ti lo laa asara si lo so benda; mbirimbiri ti lo laa amu ngangu na lo ti sara ye ni.

1 Korente 15:10

Me ndali ti nzoni be ti Nzapa, mbi ga zo so ala yeke baa lo laso so; nzoni be so Nzapa asara na mbi, peko ni angba senge pepe. Mbi sara kua ahon atanga ti awatokua kue, andaa mbi laa mbi sara kua ni pepe, me Nzapa so ayeke na mbi laa asara kua ni na lege ti nzoni be ti lo.

1 Samuel 10:27

Me ambeni buba zo atene: “Koli so ayeke soo ande e na kuâ tongana nyen?” Ala baa lo tongana mbeni mbumbuse zo si ala ke ti ga na akadoo na lo. Me Saul azi yanga daa oko pepe.

1 Samuel 14:45

Me aturugu atene na Saul: “Jonatan so asara si azo ti Israel aso benda so, fade lo yeke kui biani? Tongana e fâ lo, so ayeke sioni ye mingi. KOTA GBIA ayeke na fini! E yeke yeda titene kua ti li ti Jonatan oko ati na sese pepe, ngbanga ti so lo na Nzapa laa asara ye so laso!” Tongaso aturugu asoo Jonatan na ya ti kuâ.

1 Samuel 19:5

Lo ka yingo ti fâ Goliat, zo ti Filistii. Na lango ni so, *KOTA GBIA asara si azo ti Israel kue aso benda. Mo baa ye ni na le ti mo si tere ti mo anzere ndali ni. Mo ye ti tuku mene ti mbeni zo so asara sioni pepe ngbanga ti nyen? Mo ye ti fâ David senge senge ngbanga ti nyen?”