1 Samuel 10:8 - Mbeti ti Nzapa - Tënë so amu fini

⁸ Fade mo yeke gue na Gilgal kozo ti mbi. Mbi yeke gue na peko ti wara mo kâ ti mu na Nzapa *sandaga so a yeke gbi ni kue na wâ nga na sandaga ti beoko. Fade mo yeke ku mbi na ya ti lango mbarambara ngbii mbi ga, mbi wara mo si. Tongana mbi ga, mbi yeke fa na mo ye so mo lingbi ti sara.”

1 Samuel 10:8 ပူးပေါင်းရင်းမြစ်များ

2 Samuel 19:16

Tongaso gbia amu lege ti kiri na kodro, lo si na yanga ti ngu ti Jourdain. Azo ti Juda asi na Gilgal; ala wara gbia ti mu maboko na lo ti fâ ngu ti Jourdain.

Awayango-sandaga 3:9

Lege so lo yeke mu sandaga ti beoko ti akasa so mafuta ayeke daa mingi ayeke so: damba ni kue so lo yeke zi ni na tere ti abio ti peko ti nyama ni, na mafuta so ayeke na tere ti akamba ti ya ti nyama ni; lo yeke gbi ni kue na wâ ndali ti KOTA GBIA;

Josué 4:19

Azo ti Israel afâ ngu ti Jourdain na lango baleoko ti kozo nze ti ngu ni. Ala sara bâbâ ti ala na Gilgal, na To ti Jéricho.

1 Samuel 13:4

Azo ti Israel kue ama a tene, Saul afâ mbeni govoronere ti azo ti Filistii si azo ti Filistii ni asara ngonzo na tere ti azo ti Israel. Tongaso aturugu kue abongbi ti mu peko ti Saul na kodro ti Gilgal.

1 Samuel 15:33

Me Samuel atene na lo: “Yongoro zeme ti mo asara si amama ayeke na vundu ndali ti amolenge ti ala. Fade mama ti mo nga ayeke na vundu ndali ti molenge ti lo.” Tongaso, Samuel afâ Agag na dawa ti KOTA GBIA na Gilgal.