1 Samuel 10:6 - Mbeti ti Nzapa - Tënë so amu fini

⁶ Fade Yingo ti KOTA GBIA ayeke ga na ndö ti mo, mo yeke sara nga ye tongana ti ala si mo yeke ga mbeni zo nde.

1 Samuel 10:6 ပူးပေါင်းရင်းမြစ်များ

Wungo ti azo 11:17

Mbi yeke zu ti tene tënë na mo. Mbi yeke zi mbeni yingo so mbi mu na mo so kete ti kangbi na ala si ala lingbi ti mu maboko na mo, tongaso si gi mo oko laa mo yeke yo azo ni so pepe.

Wungo ti azo 11:25

KOTA GBIA azu na ya ti ngbongboro mbinda si lo tene tënë na Moïse. Lo zi mbeni yingo so ayeke na ndö ti Moïse so kete si lo kangbi ni na akangba balembarambara. Gi so yingo ni aduti na ndö ti ala awe, ala to nda ti tene tënë tongana awayanga-Nzapa, me na pekoni, ala ngba ti sara ni pepe.

Wungo ti azo 11:26

Ambeni koli use angba na ya ti bâbâ ni; iri ti mbeni ayeke Eldad, iri ti mbeni ayeke Medad. Yingo ni aga nga na ndö ti ala; iri ti ala ayeke na popo ti akangba balembarambara, me ala gue ti ala na da ti bongo ni pepe. Ala nga ato nda ti tene tënë tongana awayanga-Nzapa na ya ti bâbâ ni.

Wungo ti azo 11:29

Moïse akiri tënë na lo: “Mo sara mbanda ndali ti mbi? Tongana KOTA GBIA akangbi yingo ti lo na azo ti Israel kue titene ala ga awayanga-Nzapa, ka ayeke nzoni mingi!”

Matthieu 7:22

Na lango ti fango ngbanga, fade azo mingi ayeke tene na mbi: ‘Kota Gbia, Kota Gbia, e tene peko ti tënë ti yanga ti mo, e tumba asioni yingo si e sara aye ti kpene mingi na iri ti mo pepe?’

Awafango-ngbanga 14:6

Yingo ti KOTA GBIA aga na ndö ti Samson. Ataa so ye oko ayeke na maboko ti lo pepe, lo gbu bamara ni si lo suru ya ti lo tongana senge molenge ti ngasa. Me lo honde tënë ti ye so lo sara so na babâ na mama ti lo.

Awafango-ngbanga 15:14

So Samson asi na Lehi awe, azo ti Filistii amu loro ti ga na tere ti lo na dekongo na ngia. Tongaso, yingo ti *KOTA GBIA aga na ndö ti Samson: akamba so a kanga na maboko ti lo so aga tongana kamba ti *len so wâ agbi ni si ati.

Awafango-ngbanga 3:10

Yingo ti KOTA GBIA ayeke na ndö ti Otniel si lo ga wafango-ngbanga na ndö ti azo ti Israel. Lo gue na bira. KOTA GBIA azia Kushan-Rishataim, gbia ti Mezopotamii na maboko ti lo si lo hon ndö ti Kushan-Rishataim.

1 Samuel 10:10

So Saul na zo ti kua ti lo asi na Gibea awe, mbeni bongbi ti awayanga-Nzapa aga awara lo. Yingo ti Nzapa aga na ndö ti Saul si lo na ala kue asara ye tongana azo so Yingo ti Nzapa agbu ala.

1 Samuel 10:9

Gi so Saul azia Samuel ti kiri, Nzapa asanze be ti Saul. Aye so kue Samuel atene tënë ni, asi gi na lango ni so.

1 Samuel 11:6

So Saul ama tënë so, yingo ti Nzapa aga na ndö ti lo si ngonzo ti lo ti wâ alondo.

1 Samuel 16:13

Samuel amu didi so mafuta ayeke na ya ni si lo tuku mafuta ni na li ti David na le ti a-ita ti lo. Gi na lango ni so, yingo ti KOTA GBIA aga na ndö ti David. Na pekoni, Samuel amu lege akiri na Rama.

1 Samuel 19:20

Saul atokua azo ti gbu David. Azo ni aga abaa bongbi ti awayanga-Nzapa so ayeke tene peko ti tënë ti Nzapa. Samuel laa ayeke na li ti ala. Yingo ti Nzapa agbu azo so Saul atokua ala si ala nga asara ye tongana awayanga-Nzapa.