1 Samuel 10:5 - Mbeti ti Nzapa - Tënë so amu fini

⁵ Na pekoni, mo yeke si na Gibea-Elohim, agovoronere ti azo ti Filistii ayeke kâ. Na lingo ti mo na ya ti gbata ni, mo yeke tengbi na mbeni bongbi ti awayanga-Nzapa so alondo na ndo so a leke na ndö ti hoto si ala yeke zu. Azo ti pikango kota kundi, kete kundi, kete ngo na azo ti hurungo ngoli ayeke na dawa ti ala. Awayanga-Nzapa ni ayeke sara ye tongana azo so Yingo agbu ala.

1 Samuel 10:5 ပူးပေါင်းရင်းမြစ်များ

1 Agbia 18:29

So bekombite ahon awe, ala to nda ti sara ye tongana azo so mbeni yingo agbu ala. Ala sara ye ni ngbii asi na ngbonga ti mungo sandaga. Me ala ma mbeni go oko pepe, zo akiri tënë na ala pepe, ye oko asara nga pepe.

2 Agbia 2:15

Bongbi ti awayanga-Nzapa so ayeke na Jéricho aluti yongoro si ala baa Élisée na sarango ye ni; ala tene: “Yingo so ayeke lani na ndö ti Élie aga fadeso na ndö ti Élisée awe.” Ala gue, awara lo na lege, ala kuku akpo li ti ala na sese na dawa ti lo.

2 Agbia 2:3

Azo ti bongbi ti awayanga-Nzapa so ayeke lango na Betel aga na tere ti Élisée si ala tene na lo: “Mo hinga, mo tene, KOTA GBIA ayeke mu kota zo ti mo ti gue na lo na yayu laso?” Élisée akiri tënë: “Een, mbi nga, mbi hinga tënë ni awe! Me ala duti kpoo!”

2 Agbia 2:5

Azo ti bongbi ti awayanga-Nzapa so ayeke lango na Jéricho aga na tere ti Élisée si ala tene na lo: “Mo hinga, mo tene, KOTA GBIA ayeke mu kota zo ti mo ti gue na lo na yayu laso?” Élisée akiri tënë: “Een, mbi nga, mbi hinga tënë ni awe! Me ala duti kpoo!”

2 Agbia 2:7

Élie na Élisée ague, asi na yanga ti ngu ti Jourdain. Azo baleoku ti bongbi ti awayanga-Nzapa ague si aluti na mbeni ndo so ayeke baa le na ngu ti Jourdain; me yongoro kete.

2 Agbia 3:15

Fadeso, ala ga na mbi mbeni zo ti pikango mozoko.” Na ndembe so zo ti pikango mozoko ni ayeke pika mozoko, ngangu ti KOTA GBIA aga na ndö ti Élisée.

2 Agbia 4:38

Élisée akiri na Gilgal. Andaa na ngoi ni so, kota nzara ati na ya ti kodro ni. So azo ti bongbi ti awayanga-Nzapa ayeke luti na dawa ti Élisée, lo tene na zo ti kua ti lo: “Mu kota tawa, mo to kobe ndali ti azo ti bongbi ti awayanga-Nzapa.”

2 Agbia 6:1

Mbeni lâ, azo ti ya ti bongbi ti awayanga-Nzapa atene na Élisée: “Ndo so e yeke duti daa na tere ti mo so ayeke kete mingi; ndo ni alingbi na e pepe.

1 Mbai 11:16

David ahonde tere ti lo na mbeni ndo so singo daa ayeke ngangu; andaa ambeni turugu ti Filistii aduti ti bata ndo na Betlehem.

1 Mbai 13:8

David na azo ti Israel kue afa ngia ti ala na dawa ti Nzapa na ngangu ti ala kue. Ala yeke he bia na aye ti mozoko tongana akota kundi, akete kundi, akete ngo, awen so atoto nga na atatalita.

1 Mbai 16:42

Heman na Yedutun ayeke huru tatalita, ala yeke pika wen so atoto mingi na ambeni ye ti mozoko so ala yeke he na abia ti Nzapa. Kua ti amolenge ti Yedutun ayeke ti bata ayanga ti gbagba.

1 Mbai 16:5

Asaf ayeke makonzi ti ala, Zakarii ayeke mu maboko na lo; Yeiel, Shemiramot, Yehiel, Matitia, Eliab, Benaya, Obed-Edom nga na Yeiel ayeke pika ti ala kete kundi na kota kundi si Asaf ayeke pika ti lo wen.

Abia (Psaumes) 49:4

Yanga ti mbi ayeke tene atënë ti ndara, be ti mbi ayeke tene atënë ti hingango ndo.

Abia (Psaumes) 92:3

Ayeke nzoni mingi titene a fa nzoni be ti mo na azo na kota ndaperere, titene a fa na azo na bi so mo yeke bata tënë ti yanga ti mo.

1 Korente 14:1

Ala gi lege ngangu ti ye amba ti ala. Ala sara nga nzara ti wara amatabisi ti Yingo, me matabisi so ala lingbi ti gi lege ni mingi ayeke tenengo peko ti tënë ti yanga ti Nzapa.

1 Samuel 10:10

So Saul na zo ti kua ti lo asi na Gibea awe, mbeni bongbi ti awayanga-Nzapa aga awara lo. Yingo ti Nzapa aga na ndö ti Saul si lo na ala kue asara ye tongana azo so Yingo ti Nzapa agbu ala.

1 Samuel 10:4

Fade ala yeke bara mo si ala yeke mu na mo mapa use; mo yeke mu ni na maboko ti ala.

1 Samuel 13:2

Na popo ti azo ti Israel, Saul asoro aturugu saki ota. Aturugu saki use angba na tere ti lo na kodro ti Mikmas nga na sese ti ahoto ti Betel. Ambeni saki oko ayeke na tere ti molenge ti lo Jonatan na gbata ti Gibea, na sese ti Benjamin. Saul atene na tanga ti azo ti Israel titene zo oko oko akiri na ndo ti lo.

1 Samuel 13:3

Mbeni lâ, Jonatan afâ govoronere ti azo ti Filistii so ayeke na kodro ti Geba si azo ti Filistii ama tënë ni. Saul amu yanga titene a huru didi na ya ti kodro kue, atene: “Alingbi ahebro ama tënë so!”

1 Samuel 19:20

Saul atokua azo ti gbu David. Azo ni aga abaa bongbi ti awayanga-Nzapa so ayeke tene peko ti tënë ti Nzapa. Samuel laa ayeke na li ti ala. Yingo ti Nzapa agbu azo so Saul atokua ala si ala nga asara ye tongana awayanga-Nzapa.

1 Samuel 9:12

Amaseka-wali ni akiri tënë na ala: “Een, lo yeke daa! Singo ti lo laa! Ala gue hio si. Lo ga na ya ti gbata ni laso laso, ngbanga ti so azo ti gbata ni ayeke mu *sandaga laso na Nzapa na ndo so a leke na ndö ti hoto.