1 Samuel 10:27 - Mbeti ti Nzapa - Tënë so amu fini

²⁷ Me ambeni buba zo atene: “Koli so ayeke soo ande e na kuâ tongana nyen?” Ala baa lo tongana mbeni mbumbuse zo si ala ke ti ga na akadoo na lo. Me Saul azi yanga daa oko pepe.

1 Samuel 10:27 ပူးပေါင်းရင်းမြစ်များ

2 Samuel 20:1

Mbeni zo ti bingo kpale ayeke lani kâ, iri ti lo ayeke Sheba, molenge ti Bikri, zo ti mara ti Benjamin. Sheba ahuru tatalita, atene: “Nyen laa abongbi e na David, nyen? Mbeni ye abongbi e na molenge ti Yese? Azo ti Israel, ayeke nzoni zo oko oko akiri na da ti lo.”

2 Samuel 8:2

Lo hon nga ndö ti azo ti Moab na bira, lo zia ala, ala lango na sese, lo diko ala si na popo ti azo ota, lo fâ azo use si lo zia oko; lo sara gi tongaso ngbii asi na ndani. Nilaa azo ti Moab aga azo ti gbe ti David si ala yeke futa lapo na lo.

1 Agbia 10:25

Na ngu oko oko, zo oko oko ayeke ga na mbeni nzoni ye ti mu na lo: aye so a sara na wen ti nginza nga na lôro; abongo, aye ti bira, ayombo, ambarata na *apâkârâ.

1 Agbia 5:1

Salomon asara komandema na ndö ti akodro-gbia kue, ti londo na *bale ti Efrate asi na kodro ti azo ti Filistii, akiri ague ngbii asi na katikati ti sese ti Ezipte. Agbia ti akodro so kue ayeke na gbe ti Salomon, ala yeke futa alapo na lo na ngoi so kue lo ngba na fini.

2 Mbai 13:7

Agodobe na azo ti kirikiri abongbi na tere ti Yeroboam si ala hon ndö ti Roboam, molenge ti Salomon. Roboam angba lani maseka si lo de ti kpengba pepe, nilaa lo lingbi ti gbu le ni na ala pepe.

2 Mbai 17:5

KOTA GBIA asara si lengo-gbia ti lo akpengba. Azo ti Juda kue amu akadoo na Yosafat; nilaa lo wara mosoro mingi si azo agonda lo mingi.

Abia (Psaumes) 38:13

Azo so aye kuâ ti mbi, ala leke kuku ti gbu na mbi; azo so aye titene sioni ye asi na mbi, ala yeke tene tënë ti buba gigi ti mbi; lakue, ala yeke du mvene na li ti mbi.

Abia (Psaumes) 72:10

Agbia ti kodro ti Tarsis na ala ti azoa so ayeke yongoro kâ ayeke tokua na lo akadoo; agbia ti kodro ti Saba na ala ti Seba ayeke futa lapo na lo.

Zo ti bongbingo azo 7:21

Atënë so kue azo ayeke tene, mo zia be ti mo na ndö ni pepe. Tongaso pepe, fade mo yeke ma asioni tënë so zo ti kua ti mo atene na tere ti mo.

Ésaïe 36:21

Azo ni kue azi yanga oko pepe; zo oko akiri tënë pepe, ngbanga ti so yanga so gbia amu fade ayeke so: “Fade ala kiri tënë na lo pepe.”

Matthieu 2:11

Ala li na ya ti da ni si ala baa molenge ni na mama ti lo Marie. Ala kuku na sese si ala voro molenge ni. Na pekoni, ala zi ya ti akungba ti ala si ala mu anzoni ye na molenge ni: lôro, dukani na *mire.

Awatokua 7:35

“Moïse so azo ti Israel ake lo si ala hunda ando lo, atene: ‘Zo wa laa azia mo makonzi ti fâ ngbanga na popo ti e?’, lo laa Nzapa atokua lo tongana makonzi na ndö ti azo ni ti zi ala na gbe ti ngbaa, na lege ti *ange so asi na lo na ya ti wâ so ayeke za na ya ti kete keke.

Ndia ti fani use ni 13:13

Mbeni ye tongaso alingbi nga ti si: mbeni lâ, ala azo ti Israel, ala ma a tene, na ya ti mbeni gbata oko so KOTA GBIA Nzapa ti ala amu na ala titene ala duti daa,

1 Samuel 11:12

Tongaso azo ti Israel atene na Samuel: “Azo wa laa lani ake titene Saul ale-gbia na ndö ti e so? Ala zia azo so na maboko ti e titene e fâ ala!”

1 Samuel 11:13

Me Saul atene: “Laso, a yeke fâ zo oko pepe, ngbanga ti so KOTA GBIA asoo azo ti Israel na kuâ awe.”

1 Samuel 16:20

Yese amu lele, mapa na bozo so a sara ni na poro ti nyama si vin ayeke na ya ni, lo mu nga molenge ti ngasa si lo mu na molenge ti lo David titene lo gue na ni na Saul.

1 Samuel 2:12

Amolenge ti Heli ayeke asioni zo mingi. Ala yeke kpe mbeto ti *KOTA GBIA pepe.

1 Samuel 25:17

Fadeso, gbu li ti mo nzoni na ndö ti ye so mo lingbi ti sara, ngbanga ti sioni ye ayeke ti na ndö ti wa ti e nga na asewa ti lo kue. Wa ti e ayeke mbeni buba zo, zo alingbi ti tene tënë na lo pepe.”