1 Samuel 10:22 - Mbeti ti Nzapa - Tënë so amu fini

²² Ala kiri ahunda KOTA GBIA, atene: “Koli so asi ge?” KOTA GBIA atene: “Baa lo laa, lo honde tere ti lo na popo ti akungba so.”

1 Samuel 10:22 ပူးပေါင်းရင်းမြစ်များ

Tongo nda ti aye 25:22

Lo yeke ku ti du angbo; amolenge ni ayeke pika tere ti ala na ya ti mama ni si lo hunda tere ti lo, lo tene: “Nyen laa asi na mbi tongaso?” Na pekoni, lo gue, lo hunda KOTA GBIA na nda ti tënë ni.

2 Samuel 2:1

Na peko ti aye so, David ahunda *KOTA GBIA, atene: “Mbi lingbi ti gue na mbeni gbata ti Juda?” KOTA GBIA akiri tënë: “Mo gue senge.” David ahunda ndo, atene: “Mbi lingbi ti gue na ndo wa?” KOTA GBIA akiri tënë: “Mo gue na Hebron.”

2 Samuel 21:1

Na ngoi ti lengo-gbia ti David, kota nzara ati na ya ti kodro, asara ngu ota. David ahunda *KOTA GBIA si KOTA GBIA akiri tënë na lo, atene: “Ye ni asi ndali ti so Saul na asewa ti lo afâ azo ti gbata ti Gabaon.”

Wungo ti azo 27:21

Josué, lo wani, lo yeke luti na dawa ti wayango-sandaga Elazar; Elazar ayeke ga ti hunda mbi KOTA GBIA na lege ti Urim. Na pekoni, lo yeke tene peko ti tënë ti mbi na Josué. Fade Josué na bongbi ti azo ti Israel ayeke gue ti tiri bira, ala yeke kiri na kodro alingbi gi na yanga so mbi, KOTA GBIA, mbi mu.”

Nzoni Tënë so Luc asu na mbeti 14:11

Biani, zo so kue asara tere ti lo tongana kota zo, fade a sara si lo ga kete zo; zo so asara tere ti lo tongana kete zo, fade a sara si lo ga kota zo.”

Awafango-ngbanga 1:1

Na peko ti kuâ ti Josué, azo ti Israel ahunda *KOTA GBIA, atene: “Mara wa laa na popo ti e ayeke gue kozo ti sara bira na azo ti Kanaan?”

Awafango-ngbanga 20:18

Azo ti Israel ague na Betel ti hunda Nzapa: “Mara wa na popo ti e ayeke londo kozoni ti tiri na azo ti Benjamin?” KOTA GBIA akiri tënë na ala: “Mara ti Juda laa ayeke londo kozo!”

Awafango-ngbanga 20:28

Pinas, molenge ti Elazar, molenge ti Aaron laa ayeke bata sanduku ni. Azo ti Israel atene: “Fade e kiri e sara bira na azo ti Benjamin, a-ita ti e? Wala e zia lege ni?” KOTA GBIA akiri tënë na ala: “Ala gue senge, ngbanga ti so kekereke, mbi yeke zia azo ti Benjamin na maboko ti ala.”

1 Samuel 10:21

Lo iri azo ti mara ti Benjamin. Azo ni aga na lege ti kete mara ti ala. Ye ni afa kete mara ti Matri. Na pekoni, ye ni afa Saul, molenge ti Kish. Azo agi Saul, me ala wara lo pepe.

1 Samuel 14:37

Saul ahunda Nzapa, atene: “Ayeke nzoni mbi gue, mbi tiri bira na azo ti Filistii? Fade mo yeke zia ala na maboko ti azo ti Israel?” Na lango ni so, Nzapa akiri tënë na lo pepe.

1 Samuel 15:17

Samuel atene: “So mo yeke baa tere ti mo wani lani tongana kete zo so, KOTA GBIA laa asara si mo ga makonzi na li ti azo ti Israel pepe? Lo tuku mafuta na li ti mo si mo ga gbia ti azo ti Israel.

1 Samuel 22:10

Ahimelek ahunda *KOTA GBIA ndali ti lo. Lo mu na David kobe ti tengo ni; lo mu nga na lo yongoro zeme ti Goliat, zo ti Filistii.”

1 Samuel 23:9

David ama a tene, Saul aye ti sara sioni na lo si lo tene na wayango-sandaga Abiatar, lo tene: “Ga na efod si.”

1 Samuel 30:7

David atene na wayango-sandaga Abiatar, molenge ti Ahimelek, atene: “Mbi gbu gere ti mo, ga na mbi aye ti hundango na nda ti ye na Nzapa.” Abiatar aga na lo aye ni.

1 Samuel 30:8

David ahunda KOTA GBIA, atene: “Tongana mbi tumba peko ti bongbi ti azo so ahon so, fade mbi yeke wara ala?” KOTA GBIA atene na lo: “Mo tumba peko ti ala; fade mo yeke wara ala si mo yeke zi azo ti mo na maboko ti ala.”

1 Samuel 9:21

Saul akiri tënë: “So tënë ti nyen? Mbi yeke ti mbi zo ti mara Benjamin. Benjamin ayeke mbeni kete mara na popo ti amara ti Israel. Sewa ti mbi ayeke gi kete sewa na ya ti amara ti azo ti Benjamin. Mo tene mara ti tënë tongaso na mbi ngbanga ti nyen?”