1 Samuel 10:21 - Mbeti ti Nzapa - Tënë so amu fini

²¹ Lo iri azo ti mara ti Benjamin. Azo ni aga na lege ti kete mara ti ala. Ye ni afa kete mara ti Matri. Na pekoni, ye ni afa Saul, molenge ti Kish. Azo agi Saul, me ala wara lo pepe.

1 Samuel 10:21 ပူးပေါင်းရင်းမြစ်များ

2 Samuel 3:19

Abner atene nga tënë na azo ti mara ti Benjamin. Na pekoni, Abner ague na Hebron si lo tene na David ye so azo ti Israel na azo ti Benjamin kue aleke na be ti ala ti sarango ni.

Amato 18:18

Azo ayeke bi ka *dee ti kai na papa; ala yeke bi nga ni ti fâ ngbanga na popo ti angangu zo.

Jonas 1:7

Azo ti ya ti mangboko ni atene na popo ti ala: “Ala ga, e bi zeke ti hinga zo wa laa asara si pasi so asi na e so.” Ala bi zeke ni si afa Jonas.

Awatokua 13:21

Na ndembe so ala hunda ti wara mbeni gbia, Nzapa amu na ala Saul, molenge ti Kish, zo ti mara ti Benjamin; lo le-gbia na ya ti ngu baleosio.

1 Samuel 10:20

Samuel airi amara ti Israel kue ti ga. Lo bi mbeni ye ti soro mbeni mara oko. Ye ni afa mara ti Benjamin.

1 Samuel 10:22

Ala kiri ahunda KOTA GBIA, atene: “Koli so asi ge?” KOTA GBIA atene: “Baa lo laa, lo honde tere ti lo na popo ti akungba so.”

1 Samuel 9:2

lo yeke na molenge-koli so iri ti lo Saul; lo yeke mbeni maseka-koli so lo yeke pendere mingi. Na popo ti azo ti Israel, mbeni zo so apendere ti lingbi na lo ayeke daa pepe. Lo yo lo hon azo ti Israel kue.