1 Samuel 10:20 - Mbeti ti Nzapa - Tënë so amu fini

²⁰ Samuel airi amara ti Israel kue ti ga. Lo bi mbeni ye ti soro mbeni mara oko. Ye ni afa mara ti Benjamin.

1 Samuel 10:20 ပူးပေါင်းရင်းမြစ်များ

2 Samuel 3:19

Abner atene nga tënë na azo ti mara ti Benjamin. Na pekoni, Abner ague na Hebron si lo tene na David ye so azo ti Israel na azo ti Benjamin kue aleke na be ti ala ti sarango ni.

Jonas 1:7

Azo ti ya ti mangboko ni atene na popo ti ala: “Ala ga, e bi zeke ti hinga zo wa laa asara si pasi so asi na e so.” Ala bi zeke ni si afa Jonas.

Ndia ti fani use ni 33:12

Ndali ti mara ti Benjamin, Moïse atene: “KOTA GBIA aye mara ti Benjamin mingi. So lo yeke na tere ti KOTA GBIA, mbeni ye ti sara lo ayeke daa pepe. Nzapa ti lo ayeke bata lo lakue, lo duti na popo ti akete hoto ti lo.”

1 Samuel 10:19

Me fadeso, ala ke Nzapa ti ala awe, lo so lo zi ala na ya ti mawa nga na ya ti ye ti ngangu so; ala tene na lo: ‘Mu na e mbeni gbia.’ Fadeso ala ga aluti na le ti KOTA GBIA, mara na mara, kete mara na kete mara.”

1 Samuel 10:21

Lo iri azo ti mara ti Benjamin. Azo ni aga na lege ti kete mara ti ala. Ye ni afa kete mara ti Matri. Na pekoni, ye ni afa Saul, molenge ti Kish. Azo agi Saul, me ala wara lo pepe.

1 Samuel 14:38

Tongaso Saul airi amakonzi kue ti ga nduru na tere ti lo, lo tene: “Ala gi mbirimbiri ti hinga siokpari wa laa a sara ni laso.

1 Samuel 14:41

Saul atene na KOTA GBIA: “Nzapa ti Israel, fa na e nda ti ye so mbirimbiri.” Ye so ala bi ti hinga zo wa laa asara siokpari so, ye ni afa Jonatan na Saul. Ye ni afa so aturugu ti Israel ayeke na ya ni oko pepe.