1 Samuel 10:2 - Mbeti ti Nzapa - Tënë so amu fini

² So mo yeke zia mbi laso ti hon so, fade mo yeke wara akoli use. Ala yeke nduru na tere ti du ti kuâ ti Rachel so ayeke na sese ti azo ti mara ti Benjamin na ti kodro ti Selsa. Akoli ni ayeke tene na mo: ‘Amama ti lele so mo gue ti gi ala so, a wara ala awe. Fadeso be ti babâ ti mo agirisa na tënë ti amama ti lele ni awe; me lo yeke gi be ti lo ndali ti ala, lo yeke hunda tere ti lo, lo tene: Fade mbi yeke sara tongana nyen ti wara molenge ti mbi?’

1 Samuel 10:2 ပူးပေါင်းရင်းမြစ်များ

Tongo nda ti aye 35:16

Ala londo na Betel si ala hon. So ala ga nduru ti si na Efrata, Rachel adu. Dungo ti lo ni ayeke ngangu mingi.

Tongo nda ti aye 48:7

Ti mbi, na ndembe so mbi londo na sese ti Mezopotamii si mbi yeke ga, wali ti mbi Rachel akui na maboko ti mbi na lege, na ndembe so e ga nduru ti si na Efrata, na sese ti Kanaan. Mbi lu lo gi na tere ti lege so ague na Efrata so ayeke na Betlehem.”

Jérémie 31:15

Tënë so KOTA GBIA atene ayeke so: “A yeke ma dekongo na toto ti kota vundu na kodro ti Rama. Rachel laa ayeke toto ndali ti amolenge ti lo; lo ke ti ma awango so alingbi ti de be ti lo, ngbanga ti so amolenge ni ayeke daa mbeni pepe.”

Josué 18:28

Sela, Elef, gbata ti azo ti Yebus, so ti tene Jérusalem, Gibea na Kiriat-Yearim, so ti tene agbata baleoko na osio na akete kodro so ayeke na tere ni. So ayeke sese so aga ye ti azo ti Benjamin alingbi na akete mara ti ala laa.

1 Samuel 10:16

Saul atene na babâ-kete ti lo: “Samuel atene na e, atene: ‘A wara amama ti lele ni awe.’ ” Me tënë ti gango gbia so Samuel atene tënë ni so, Saul atene ni na lo pepe.