1 Samuel 10:19 - Mbeti ti Nzapa - Tënë so amu fini

¹⁹ Me fadeso, ala ke Nzapa ti ala awe, lo so lo zi ala na ya ti mawa nga na ya ti ye ti ngangu so; ala tene na lo: ‘Mu na e mbeni gbia.’ Fadeso ala ga aluti na le ti KOTA GBIA, mara na mara, kete mara na kete mara.”

1 Samuel 10:19 ပူးပေါင်းရင်းမြစ်များ

Amato 16:33

Azo ayeke bi ye ti hinga na nda ti ye; tanga ti tënë kue ayeke na yanga ti KOTA GBIA.

Mishe 5:2

Ndani laa, fade Nzapa ayeke zia azo ti lo, ngbii asi na ngoi so wali so alingbi ti du molenge, lo du si. Tongaso, tanga ti a-ita ti molenge ni, ala so angba na fini na peko ti so a gbu ala si a gue na ala na kodro wande, ala yeke kiri na tere ti azo ti Israel.

Wungo ti azo 11:20

Me na ya ti nze oko kue, ala yeke te ni ngbii ayeke sigigi na du ti hon ti ala, nzara ni ayeke hunzi na be ti ala. Ye ni ayeke si na ala tongaso, ngbanga ti so ala ke KOTA GBIA so ayeke na popo ti ala si ala toto na dawa ti lo, ala tene: E sigigi na Ezipte ngbanga ti nyen?’ ”

Wungo ti azo 17:2

“Tene na wayango-sandaga Elazar, molenge ti Aaron ti ro na ya ti wâ ni akete ta ti zongo na dukani, lo tuku ale ti wâ ni yongoro, ngbanga ti so a zia akete ta ni nde ndali ti Nzapa.

Ndia ti fani use ni 17:14

Moïse atene: Ala azo ti Israel, fade ala yeke li na sese so KOTA GBIA Nzapa ti ala ayeke mu na ala titene aga ti ala si ala yeke sara kodro kâ. E hinga pepe, mbeni lâ, fade ala yeke tene: “E ye ti wara mbeni gbia ti duti na li ti e tongana ti ambeni mara so angoro e.”

Josué 24:1

Josué abongbi amara ti Israel kue na Sishem. Lo iri *akangba ti ala, amakonzi ti ala, awafango-ngbanga ti ala nga na awafango-ndia ti ala. Ala ga aluti na dawa ti Nzapa.

Awafango-ngbanga 8:23

Gédéon atene na ala: “Ataa mbi, ataa molenge ti mbi ayeke duti gbia ti ala pepe; gi *KOTA GBIA oko laa ayeke duti gbia ti ala!”

1 Samuel 10:20

Samuel airi amara ti Israel kue ti ga. Lo bi mbeni ye ti soro mbeni mara oko. Ye ni afa mara ti Benjamin.

1 Samuel 12:12

Me so ala baa Nahash, gbia ti azo ti Amon aga ti tiri bira na ala, ala tene na mbi: ‘E ye mbeni gbia ti duti na li ti e!’ Andaa KOTA GBIA, Nzapa ti ala laa ayeke fade gbia ti ala.

1 Samuel 14:23

Na lango ni so, KOTA GBIA asara si azo ti Israel aso benda. Bira ni ague ngbii asi na peko ti Bet-Aven kâ.

1 Samuel 14:38

Tongaso Saul airi amakonzi kue ti ga nduru na tere ti lo, lo tene: “Ala gi mbirimbiri ti hinga siokpari wa laa a sara ni laso.

1 Samuel 3:21

KOTA GBIA angba ti si na Samuel na kodro ti Silo. Kâ laa KOTA GBIA ayeke tene tënë ti lo na Samuel.

1 Samuel 4:1

Samuel afa peko ti atënë so na azo ti Israel kue. Mbeni lâ, azo ti Israel ague ti tiri bira na azo ti Filistii. Azo ti Israel asara bâbâ ti ala nduru na Eben-Ezer; azo ti Filistii asara ti ala bâbâ ni na Afek.

1 Samuel 8:19

Me azo ti Israel ake ti ma tënë ti Samuel, ala tene: “E ke awe! E ye ti e ti wara gi gbia.

1 Samuel 8:5

Ala tene na lo: “Baa, mo ga mbakoro awe; me amolenge ti mo amu peko ti sarango ye ti mo pepe. Ayeke nzoni mo mu na e mbeni gbia titene lo fâ ngbanga ti e tongana ti amara kue.”