1 Samuel 10:18 - Mbeti ti Nzapa - Tënë so amu fini

¹⁸ Lo tene na ala: “Tënë so KOTA GBIA, Nzapa ti Israel, atene ayeke so: ‘Mbi laa mbi sara si ala sigigi na Ezipte; mbi zi ala na maboko ti azo ti Ezipte nga na gbe ti akodro-gbia kue so asara lani pasi na ala.’

1 Samuel 10:18 ပူးပေါင်းရင်းမြစ်များ

Sigingo 29:46

Fade ala yeke hinga atene, mbi laa mbi yeke KOTA GBIA, Nzapa ti ala; mbi laa mbi mu ala na kodro ti Ezipte mbi sigigi na ala titene mbi duti na popo ti ala. “Mbi laa mbi yeke KOTA GBIA, Nzapa ti ala.”

Wungo ti azo 10:9

“Na kodro ti ala, tongana ala gue ti tiri bira na awato ti ala so ayeke sara ngangu na ala, ayeke nzoni ala huru tatalita ni si ngangu dekongo ayeke na gbe ni. Tongaso, mbi KOTA GBIA Nzapa ti ala, mbi yeke dabe ti mbi na ala si mbi yeke zi ala na maboko ti awato ti ala ni.

Awafango-ngbanga 2:1

*Ange ti *KOTA GBIA alondo na Gilgal asi na Bokim. Lo tene na azo ti Israel: “Mbi laa mbi sara si ala sigigi na kodro ti Ezipte si mbi gue na ala na kodro so mbi deba yanga ti mbi ti mu na akotara ti ala. Mbi tene, mbi yeke kiri ti buba pepe *mbuki so mbi na ala e sara.

1 Samuel 12:8

So Jacob asi lani na Ezipte, akotara ti ala atoto na KOTA GBIA. KOTA GBIA atokua Moïse na Aaron ti sara si akotara ti ala asigigi na sese ti Ezipte, ti zia ala na ya ti kodro so.