1 Samuel 10:16 - Mbeti ti Nzapa - Tënë so amu fini

¹⁶ Saul atene na babâ-kete ti lo: “Samuel atene na e, atene: ‘A wara amama ti lele ni awe.’ ” Me tënë ti gango gbia so Samuel atene tënë ni so, Saul atene ni na lo pepe.

1 Samuel 10:16 ပူးပေါင်းရင်းမြစ်များ

Sigingo 4:18

Moïse ague na mbage ti kogara ti lo Zetro si atene na lo: “Mbi gbu gere ti mo, mbi ye ti kiri na tere ti a-ita ti mbi na sese ti Ezipte, ti baa wala ala ngba na fini.” Zetro ayeda si atene na lo: “Gue nzoni!”

Amato 12:23

Zo ti hango le ayeke honde ye so lo hinga; me azo ti buba afa polele tënë ti buba ti ala.

Amato 29:11

Zo ti buba ayeke fa polele ngonzo ti lo kue; me zo ti ndara ayeke kanga ngonzo ti lo, lo yeke sara nga si ngonzo ni ade.

Zo ti bongbingo azo 3:7

Ngoi ti surungo bongo ayeke daa, ngoi ti fungo bongo ayeke daa; ngoi ti kaingo kpoo ayeke daa, ngoi ti tenengo tënë ayeke daa.

Awafango-ngbanga 14:6

Yingo ti KOTA GBIA aga na ndö ti Samson. Ataa so ye oko ayeke na maboko ti lo pepe, lo gbu bamara ni si lo suru ya ti lo tongana senge molenge ti ngasa. Me lo honde tënë ti ye so lo sara so na babâ na mama ti lo.

Awafango-ngbanga 14:9

Lo mu mbeni mafuta ni na maboko ti lo si lo yeke te ni na lege. So lo si na tere ti babâ na mama ti lo awe, lo mu mbeni na ala, ala te. So lo zi mafuta ti wotoro so na ya ti kuâ ti bamara so, lo tene nga tënë ni na babâ na mama ti lo pepe.

1 Samuel 10:15

Ita ti babâ ti Saul atene: “Tene na mbi peko ti tënë so Samuel atene na ala so ma.”

1 Samuel 9:20

Ti amama ti lele ti mo so agirisa asara lango ota awe so, mo kiri mo gi be ti mo ndali ti ala pepe, a wara ala awe. Anzoni ye so ayeke na Israel so ayeke ti zo wa? Ayeke ti mo wala ti asewa ti babâ ti mo pepe?”

1 Samuel 9:27

So ala si na maka ti gbata ni awe, Samuel atene na Saul: “Mo tene na zo ti kua ti mo ti hon na dawa ti e.” Zo ti kua ni ahon. Samuel atene: “Ti mo, luti kete si. Mbi ye ti fa na mo tënë so KOTA GBIA atene.”