1 Samuel 10:12 - Mbeti ti Nzapa - Tënë so amu fini

¹² Mbeni koli ti kodro ni ahunda ndo, atene: “Me ala so, wa ti ala ayeke zo wa?” Ndani laa azo ti kodro ni ayeke tene mbeni *mato, atene: “Saul nga aga wayanga-Nzapa awe?”

1 Samuel 10:12 ပူးပေါင်းရင်းမြစ်များ

Ésaïe 54:13

Fade amolenge ti mo kue ayeke ga adisiple ti mbi, ala yeke duti na siriri ahon ndoni.

Jean 6:45

Awayanga-Nzapa asu na mbeti, atene: ‘Fade Nzapa ayeke fa ye na azo kue.’ Zo so ama tënë ti Babâ si lo yeda ti manda ye so Babâ afa na lo, zo tongaso laa ayeke ga na mbi;

Jean 7:16

Jésus akiri tënë na ala: “Ye so mbi yeke fa na ala alondo na mbi wani pepe, me alondo na lo so atokua mbi.

Jacques 1:17

Nzoni ye so kue zo ayeke wara gi senge senge na matabisi so kue ayeke nzoni alondo na yayu, na maboko ti Nzapa, lo so lo sara ye so kue ayeke su na le ti nduzu. Lo yeke sanze pepe, lo yeke yingi pepe si vukongo ndo ayeke na mbage ti lo oko pepe, tongana lo turne tere ti lo.

1 Samuel 10:13

So Saul akai ti sarango ye tongana wayanga-Nzapa awe, lo gue na ndo so a leke na ndö ti hoto ti voro Nzapa daa.

1 Samuel 19:23

Lo mu lege ti gue kâ na Nayot so ayeke nduru na Rama. Yingo ti Nzapa aga nga na ndö ti lo si lo to nda ti tene peko ti tënë ti Nzapa ngbii lo si na Nayot so ayeke nduru na Rama.

1 Samuel 19:24

Lo nga lo zi bongo na tere ti lo si lo to nda ti sara ye tongana awayanga-Nzapa na dawa ti Samuel. Na pekoni, lo ti na sese, tere ti lo senge, lo ngba na ndo so lango oko na bi oko kue. Ndani laa azo ayeke tene: “Saul nga aga wayanga-Nzapa awe?”