1 Samuel 10:11 - Mbeti ti Nzapa - Tënë so amu fini

¹¹ Azo so kue ahinga lo kozoni ayeke baa lo na sarango ye tongana awayanga-Nzapa; ala hunda tere ti ala, atene: “Nyen laa asi na molenge ti Kish so? Saul nga aga wayanga-Nzapa awe?”

1 Samuel 10:11 ပူးပေါင်းရင်းမြစ်များ

Amos 7:14

Amos akiri tënë na Amasia, atene: “Mbi yeke wayanga-Nzapa pepe, mbi yeke nga na ya ti mbeni bongbi ti awayanga-Nzapa pepe; kua ti mbi ayeke ti batango anyama, ti lekengo tere ti akeke ti sikomor.

Amos 7:15

Me *KOTA GBIA amu mbi kâ na peko ti anyama ti mbi si lo tene na mbi, lo tene: ‘Gue mo tene peko ti tënë ti yanga ti mbi na azo ti Israel, azo ti mbi.’

Jean 7:15

Li ti amakonzi ti azuife kue akpe si ala tene: “Koli so ahinga aye so tongana nyen, so lo manda mbeti pepe so?”

Awatokua 3:10

So azo ahinga atene, koli so ayeke kozoni na tere ti Pendere-yanga-da ti iri ye na maboko ti azo so laa, be ti ala ado, li ti ala kue akpe ngbanga ti ye so asi na lo.

Awatokua 4:13

So azo ti fango ngbanga ni abaa Pierre na Jean ayeke tene tënë na mbeto pepe si ala hinga nga atene, ala yeke gi asenge zo so amanda mbeti pepe, li ti ala kue akpe. Ala hinga atene, akoli so ayeke ando na tere ti Jésus.

Awatokua 9:21

Azo so kue ama lo, li ti ala akpe si ala hunda ndo, atene: “Koli so laa, na Jérusalem, ayeke sara lani ngangu na azo so ayeke di iri ti Jésus so pepe? Lo ga ge gi ti gbu ala, ti kanga ala, ti kiri na ala na akota wayango-sandaga pepe?”

1 Samuel 19:24

Lo nga lo zi bongo na tere ti lo si lo to nda ti sara ye tongana awayanga-Nzapa na dawa ti Samuel. Na pekoni, lo ti na sese, tere ti lo senge, lo ngba na ndo so lango oko na bi oko kue. Ndani laa azo ayeke tene: “Saul nga aga wayanga-Nzapa awe?”