1 Samuel 1:8 - Mbeti ti Nzapa - Tënë so amu fini

⁸ Koli ti lo Elkana atene na lo: “Anne, mo yeke toto si mo ke ti te kobe ngbanga ti nyen? Be ti mo ayeke na vundu ngbanga ti nyen? Na le ti mo, mbi hon amolenge-koli baleoko pepe?”

1 Samuel 1:8 ပူးပေါင်းရင်းမြစ်များ

2 Agbia 8:12

Hazael ahunda lo, atene: “Kota zo, mo yeke toto ngbanga ti nyen?” Élisée akiri tënë: “Mbi yeke toto, ngbanga ti so mbi hinga sioni so mo yeke sara ande na azo ti Israel: mo yeke gbi agbata ti ala so ngangu gbagba ayeke na tere ni, mo yeke fâ amaseka ti ala na ya ti bira, mo yeke nika akete molenge ti ala, mo yeke suru ya ti amama ti ngo.”

Mbeti ti Job 6:14

Zo so awoko kue, alingbi mba ti lo abaa mawa ti lo; tongaso pepe, zo ni ayeke ke ti kpe mbeto ti lo so ngangu ti lo ahon angangu kue.

Abia (Psaumes) 43:4

Fade mbi yeke si na tere ti gbalaka ti mo; mbi yeke si na tere ti mo Nzapa, mo so taa ngia ti mbi alondo na mo. Mbi yeke pika kundi ti gonda mo Nzapa, Nzapa ti mbi!

Ésaïe 54:1

Jérusalem, mo wali ti dungo ni pepe, dekongo na ngia! Mo so mo hinga lani songo ti dungo ni pepe, he bia na ngia, mo duti na ngia. Biani *KOTA GBIA atene na mo: “Mo wali so koli ado mo azia, fadeso, mo yeke na amolenge gbani ahon wali so angba na da ti koli.

Ésaïe 54:6

Mo yeke tongana wali so koli ado lo azia, vundu ahon ndö ti mo. Me fadeso KOTA GBIA airi mo si Nzapa ti mo atene: Wali so koli ti lo amu lo na ndembe so koli ni ade maseka, koli ni alingbi ti tumba lo tongana nyen?

Jean 20:13

Ala hunda lo: “Wali, mo yeke toto ngbanga ti nyen?” Lo kiri tënë, lo tene: “Azo amu *Kota Gbia ti mbi ahon na lo awe; mbi hinga ndo so ala zia lo daa pepe.”

Jean 20:15

Jésus ahunda lo: “Wali, mo yeke toto ngbanga ti nyen? Zo wa laa mo yeke gi lo?” Marie abaa ti lo atene so walekengo-ndo ni so laa si lo tene: “Pakara, tongana mo laa mo mu lo, mo hon na lo, fa na mbi ndo so mo zia lo daa si mbi gue, mbi mu lo.”

1 Tesalonike 5:14

A-ita, e hunda na ala ti suku na azo so ayeke sara ye ti kirikiri; azo so be ti ala awoko, ala sara si be ti ala akiri awara ngangu, ala mu maboko na azo so ayeke na ngangu pepe, ala kanga be ti ala na azo kue.

Ruth 4:15

Fade lo yeke sara titene mo duti nzoni; lo laa lo yeke bata mo na ngoi so mo yeke ga kangba biani biani; molenge ni ayeke bata mo, ngbanga ti so wali ti molenge ti mo so aye mo mingi so laa adu lo. Wali ti molenge ti mo ni asara nzoni na mo ahon amolenge-koli mbarambara.”

1 Samuel 1:7

Na ya ti ngu oko oko, tongana Anne ayeke gue na da ti Nzapa, ye ni ayeke duti lakue tongaso. Na ya ti mbeni ngu oko, Anne ati na toto si lo ke ti te kobe.