1 Samuel 1:7 - Mbeti ti Nzapa - Tënë so amu fini

⁷ Na ya ti ngu oko oko, tongana Anne ayeke gue na da ti Nzapa, ye ni ayeke duti lakue tongaso. Na ya ti mbeni ngu oko, Anne ati na toto si lo ke ti te kobe.

1 Samuel 1:7 ပူးပေါင်းရင်းမြစ်များ

Abia (Psaumes) 102:4

Biani, lango ti fini ti mbi ahon tongana guru ti wâ, abio ti mbi ayeke gbi tongana le ti wâ.

Abia (Psaumes) 102:5

Be ti mbi awoko kue si mbi ga tongana pere so a fâ ni si ahole; nzara ti kobe akiri asara mbi pepe.

Jérémie 41:5

Tongaso, ambeni zo balemiombe alondo na Sishem, Silo nga na Samarii si aga. Azo ni akio kua ti yanga ti ala kiongo, ala suru bongo surungo na tere ti ala si ala suru tere ti ala na ka. Ala ga na asandaga ti ble na ti dukani ti ya ni na Nzapa na ya ti kota da ti lo na Jérusalem.

1 Samuel 1:6

Lakue sambâ ti Anne ayeke zonga lo mingi si ayeke he lo ti zia kamene na le ti lo, ngbanga ti so lo du pepe.

1 Samuel 1:8

Koli ti lo Elkana atene na lo: “Anne, mo yeke toto si mo ke ti te kobe ngbanga ti nyen? Be ti mo ayeke na vundu ngbanga ti nyen? Na le ti mo, mbi hon amolenge-koli baleoko pepe?”

1 Samuel 2:1

Anne asambela, atene: “Ndali ti *KOTA GBIA, be ti mbi ayeke na ngia mingi; ndali ti KOTA GBIA, kamene ahon na le ti mbi. Mbi lingbi ti zi yanga na awato ti mbi. Be ti mbi anzere mingi ndali ti so mo soo mbi awe.

1 Samuel 2:19

Na ya ti ngu oko oko, mama ti Samuel ayeke fu mbeni kota bongo ti molenge ndali ti lo. Lo yeke gue na bongo ni na lo na ndembe so lo na koli ti lo ayeke gue ti mu *sandaga na *KOTA GBIA.