1 Samuel 1:5 - Mbeti ti Nzapa - Tënë so amu fini

⁵ Me kasa ti nyama so lo yeke mu na Anne akono fani use ahon ti Penina na amolenge ti lo, ngbanga ti so lo ye Anne mingi, ataa so KOTA GBIA akanga ya ti lo si lo du molenge pepe.

1 Samuel 1:5 ပူးပေါင်းရင်းမြစ်များ

Tongo nda ti aye 11:30

Sarai ayeke na molenge pepe, ngbanga ti so lo yeke wali ti dungo ni pepe.

Tongo nda ti aye 16:1

Sarai, wali ti Abram adu molenge na lo pepe. Me mbeni wali ti kodro ti Ezipte ayeke sara kua na Sarai, iri ti lo Agar.

Tongo nda ti aye 20:18

Andaa KOTA GBIA akanga fade lege biani na awali so kue ayeke na yangbo ti Abimelek titene ala du pepe, ndali ti Sara, wali ti Abraham.

Tongo nda ti aye 30:1

So Rachel abaa atene lo yeke du molenge na Jacob pepe, lo sara kota be na tere ti ita ti lo. Rachel atene na Jacob: “Mu na mbi amolenge, tongaso pepe mbi yeke kui.”

Tongo nda ti aye 30:2

Jacob asara ngonzo na tere ti Rachel si lo tene: “Mbi laa mbi yeke Nzapa? Lo laa lo kanga lege na mo ti wara amolenge-aa!”

Tongo nda ti aye 43:34

Joseph amu mbeni mbage ti kobe so ayeke na ndö ti meza ti lo si lo yeke tokua ni na ala. Kobe ti Benjamin ahon ti atanga ni kue fani oku. Ala na Joseph anyon samba ngbii tere ti ala kue anzere.

Tongo nda ti aye 45:22

Lo mu na ala oko oko kue abongo ti matanga. Me lo mu na Benjamin ale ti nginza ngbangbo ota na abongo oku ti matanga.

Ndia ti fani use ni 21:15

Moïse atene: Mbeni ye tongaso alingbi ti si: mbeni koli alingbi ti duti na awali use; lo ye mbeni wali ni, me lo ye mbeni pepe. Awali ni use kue adu na lo amolenge-koli, me kozo molenge ni ayeke ti wali so koli ni aye lo pepe so.