1 Samuel 1:3 - Mbeti ti Nzapa - Tënë so amu fini

³ Na ya ti ngu oko oko, Elkana ayeke londo na kodro ti lo ti gue na gbata ti Silo ti voro *KOTA GBIA so ayeke na ndö ti dunia kue, ti mu nga *sandaga na lo. Kâ, ambeni wayango-sandaga ti KOTA GBIA ayeke daa. Iri ti mbeni Hofni si iri ti mbeni Pinas; ala yeke amolenge ti Heli.

1 Samuel 1:3 ပူးပေါင်းရင်းမြစ်များ

Abia (Psaumes) 78:60

Lo zia da ti lo so ayeke na kodro ti Silo, da ti lo ti bongo so lo sara na popo ti azo.

Sigingo 23:14

“Na ya ti ngu oko oko, fade ala yeke sara akota matanga ota ndali ti mbi.

Sigingo 23:17

Na ya ti ngu oko oko, fade akoli kue ti mara ti ala ayeke ga fani ota na dawa ti mbi, Kota Gbia NZAPA.

Sigingo 34:23

“Na ya ti ngu oko oko, fade akoli kue ti mara ti ala ayeke ga fani ota na dawa ti mbi Kota Gbia, NZAPA ti Israel.

Nzoni Tënë so Luc asu na mbeti 2:41

Na ya ti ngu oko oko, babâ na mama ti Jésus ayeke gue na Jérusalem ndali ti *matanga ti Pake.

Ndia ti fani use ni 16:16

Lakue na ya ti ngu oko oko, alingbi akoli ti amara ti ala ague fani ota ti luti na le ti KOTA GBIA Nzapa ti ala, na ndo so lo yeke soro ni: na matanga ti Mapa so a sara na mama ni pepe, na matanga ti *Pantekote nga na matanga ti Akpangba. Fade ala yeke gue ti luti na le ti KOTA GBIA, maboko ti ala senge pepe.

Josué 18:1

Na peko ti so azo ti Israel amu sese ni awe, ala kue abongbi tere ti ala na Silo. Kâ, ala kpo na nduzu da ti bongo so Nzapa na azo ti lo ayeke wara tere daa.

Awafango-ngbanga 18:31

Azo ti Dan abata yanda ti Mika so na ngoi so kue da ti Nzapa ayeke na kodro ti Silo.

Awafango-ngbanga 21:19

Tongaso ala tene: “Na ngu oko oko, a yeke sara matanga ti KOTA GBIA na kodro ti Silo so ayeke na Banga ti Betel, na To ti lege so alondo na Betel ti gue na Sishem, nga na Mbongo ti Lebona.”

1 Samuel 1:21

Na pekoni, Elkana na asewa ti lo kue akiri ague na gbata ti Silo ti mu *sandaga na KOTA GBIA tongana ti so ala yeke mu ka na lo na ya ti ngu oko oko. Elkana ague kâ ti sara nga ye alingbi na tënë ti mbeni zendo so lo mu na KOTA GBIA.

1 Samuel 1:9

So ala te si ala nyon na Silo awe, Anne alondo ague na yanga ti da ti Nzapa. Wayango-sandaga Heli ayeke duti na ndö ti mbata ti lo na yanga ti da ti KOTA GBIA.

1 Samuel 14:3

Mbeni wayango-sandaga aluti kâ, lo yu *efod; iri ti lo ayeke Ahia. Lo yeke molenge ti Ahitub, Ahitub ayeke ita ti Ikabod. Ikabod ayeke molenge ti Pinas, Pinas ayeke molenge ti Heli so ayeke wayango-sandaga ti *KOTA GBIA na kodro ti Silo. Aturugu ahinga tënë ti hongo ti Jonatan pepe.

1 Samuel 2:19

Na ya ti ngu oko oko, mama ti Samuel ayeke fu mbeni kota bongo ti molenge ndali ti lo. Lo yeke gue na bongo ni na lo na ndembe so lo na koli ti lo ayeke gue ti mu *sandaga na *KOTA GBIA.

1 Samuel 2:34

“Ye so ayeke fa na mo atene, tënë so mbi tene na mo ayeke taa-tënë ayeke so: Hofni na Pinas, amolenge ti mo use kue ayeke kui gi na ya ti lango oko.

1 Samuel 3:13

Mbi tene na Heli, mbi tene, fade mbi yeke fâ ngbanga na li ti azo ti sewa ti lo lakue ndali ti sioni so amolenge ti lo asara: lo hinga kue atene, ala yeke zonga Nzapa, me lo kanga lege na ala pepe.

1 Samuel 4:11

Ala mu nga sanduku ti mbuki ti Nzapa. Amolenge ti Heli use, Hofni na Pinas akui.

1 Samuel 4:4

Aturugu ni atokua ambeni zo na Silo. Ala gue, aga na sanduku ti mbuki ti KOTA GBIA, lo so lo yeke na ndö ti dunia kue si lo yeke duti na ndö ti *asheruben. Andaa amolenge ti Heli use, Hofni na Pinas ayeke na tere ti sanduku ti mbuki ni.